ବିଧାୟକ ଭାଙ୍ଗିଲେ କୋଭିଡ କଟକଣା
ଗଞ୍ଜାମ(ବଡ଼ ଖବର ବ୍ୟୁରୋ): କରୋନା କଟକଣାକୁ ମାନିଲେନି ବିଧାୟକ । ସରକାରଙ୍କ ନିୟମକୁ ଭାଙ୍ଗିଲେ ଶାସକ ଦଳର ବିଧାୟକ । ସୋରଡ଼ା ବିଧାୟକ ପୂର୍ଣ୍ଣଚନ୍ଦ୍ର ସ୍ବାଇଁ ନିଜ ବାପାଙ୍କ ପ୍ରଥମ ଶ୍ରାଦ୍ଧ ବାର୍ଷିକିରେ ଏଭଳି ଭୋଜିର ଆୟୋଜନ କରିଥିଲେ ଯେ, ତାକୁ ଦେଖିଲେ କୋଭିଡ୍ ଆଉ ଯେପରି ନାହିଁ, ସେହିଭଳି ମନେ ହବ ।
ଖବର ଅନୁଯାୟୀ, ବାହାଘର , ବ୍ରତଘର, ଶୁଦ୍ଧଘରରେ ସରକାର ୨୦ ଲୋକଙ୍କୁ ଅନୁମତି ଦେଇଛନ୍ତି । ପୁଣି ଭୋଜି ଭାତ ପାଇଁ ସମ୍ପୂର୍ଣ୍ଣ ମନା କରାଯାଇଛି । କିନ୍ତୁ ଶହ ଶହ ଲୋକଙ୍କ ପାଇଁ ଭୋଜିର ଆୟୋଜନ କରିଥିଲେ ବିଧାୟକ । ସାଧାରଣ ଲୋକଙ୍କ କ୍ଷେତ୍ରରେ କଠୋର ହେଉଥିବା ପ୍ରଶାସନ ଏଠି ବିଧାୟକଙ୍କ ବେଳକୁ କେଉଁଠି ଥିଲେ ତାହା ବୁଝିହେଉନାହିଁ। ବିଧାୟକ କେବଳ ଯେ, ଭୋଜିଭାତର ଆୟୋଜନ କରିଥିଲେ ତାହା ନୁହେଁ , ଏକ ମେଗା ରକ୍ତଦାନ ଶିବିର ଏବଂ ଖୁଲମ୍ ଖୁଲା ଭଜନ ସମାରୋହର ମଧ୍ୟ ଆୟୋଜନା ହୋଇଥିଲା । ଜଣେ ବିଧାୟକଙ୍କ ଏଭଳି କୋଭିଡ୍ ନିୟମ ଉଲଂଘନ ଏବେ ସମସ୍ତ ଜିଲ୍ଲାରେ ଚର୍ଚ୍ଚାର ବିଷୟ ପାଲଟିଛି ।