ଓଡ଼ଗାଁରେ ସତ୍ୟବ୍ରତ

ଓଡଗାଁ (ବଡଖବର ବ୍ୟୁରୋ ) ଓଡିଶାକୁ ସ୍ୱତନ୍ତ୍ର ରାଜ୍ୟ ଘୋଷଣା ଦାବିରେ ବିଭିନ୍ନ ସଂଗଠନ ଉଦ୍ୟମ ଅବ୍ୟାହତ ରଖିଛନ୍ତି । ଏ ପରିପ୍ରେକ୍ଷୀରେ ଓଡ଼ିଶା ଜନ ସଚେତନତା ମଞ୍ଚର ଆବାହକ ସତ୍ୟବ୍ରତ ଦାଶ ସୋମବାର ଓଡଗାଁ ବ୍ଲକରେ ବିଡ଼ିଓଙ୍କ ଅନୁପସ୍ଥିତିରେ ଅତିରିକ୍ତ ବିଡିଓଙ୍କୁ ରାଷ୍ଟ୍ରପତିଙ୍କ ଉଦେଶ୍ୟରେ ଦାବିପତ୍ର ପ୍ରଦାନ କରିଛନ୍ତି । ସେ ୨୦୧୯ ଜୁଲାଇ ୧୦ରୁ ଯାଜପୁର ଜିଲ୍ଲା ବଡ଼ଚଣାରୁ ପଦଯାତ୍ରାରେ ବାହାରି ଶନିବାର ଓଡଗାଁରେ ପହଂଚିଥିଲେ । ସେ ଇତି ମଧ୍ୟରେ ପ୍ରାୟ ୮୬୦୦ କିମି ଅତିକ୍ରମ କରିଥିବା ବେଳେ ୨୭୩ ବ୍ଲକରେ ଦାବିପତ୍ର ପ୍ରଦାନ କରିଥିବା ପ୍ରକାଶ କରିଛନ୍ତି । ଶନିବାର ସେ ନୟାଗଡ଼ ଜିଲା ନୂଆଗାଁ ବ୍ଲକର ବାହାଡାଝୋଲା ଦେଇ ଓଡଗାଁ ପହଞ୍ଚି ଥିଲେ । ସାମାଜିକ କର୍ମୀ ଶାନ୍ତନୁ ବିଶୋଇ, ଅର୍ଜୁନ ସାହୁ, ସୁଶାନ୍ତ କୁମାର ସାହୁ, ବରେନ୍ଦ୍ର ନନ୍ଦ ଓ ସାରସ କୁମାର ମିଶ୍ର ତାଙ୍କୁ ସ୍ୱାଗତ କରିଥିଲେ । ଜିଲ୍ଲାପରିଷଦ ସଦସ୍ୟ ବିଭୂପ୍ରସାଦ ସାହୁ ଓ ବରିଷ୍ଠ ସାମ୍ବାଦିକ ଆଦର୍ଶ କୁମାର ପଟ୍ଟନାୟକ ସତ୍ୟବ୍ରତଙ୍କୁ ସମ୍ବର୍ଦ୍ଧିତ କରିଥିଲେ ।