ଆକ୍ସନ ମୋଡରେ ବିଧାୟକ ପବିତ୍ର ସାଉଁନ୍ତା

ଲକ୍ଷ୍ମୀପୁର (ବଡ଼ ଖବର ବ୍ୟୁରୋ): ଆକ୍ସନ ମୋଡରେ ବିଧାୟକ ପବିତ୍ର ସାଉଁନ୍ତା । ନିଜ ସମର୍ଥର୍କଙ୍କୁ ଧରି ଲକ୍ଷ୍ମୀପୁର ବିଦେଶୀ ମଦ ଦୋକାନକୁ ବନ୍ଦ କରି ଦେବା ସହ ତାଲା ପକାଇ ଦେଇଛନ୍ତି । ଏହି ସମୟରେ ସେଠାରେ କାର୍ଯ୍ୟ କରୁଥିବା କିଛି ବିହାରୀମାନେ ବିଧାୟକଙ୍କୁ ଦେଖି ପଳାଇଥିବା ଦେଖିବାକୁ ମିଳିଥିଲା ।

ସୂଚନା ମୁତାବକ ଗତ କିଛି ମାସ ତଳେ ଲକ୍ଷ୍ମୀପୁର ମଦ ଦୋକାନରେ ମ୍ୟାନେଜର ଥିବା ଆକେଲେସ୍ ସାହୁ ନକଲି ମଦ ପ୍ରସ୍ତୁତ କରି ରାୟଗଡ଼ା ନେଇ ଯାଉଥିବା ସମୟରେ ରାୟଗଡ଼ା ପୋଲିସ ଧରି ଆକେଲେସ୍ ସାହୁଙ୍କୁ ଜେଲ୍ ପଠାଇ ଦେଇଥିଲେ । ବର୍ତ୍ତମାନ ଆକେଲେସ୍ ଲକ୍ଷ୍ମୀପୁର ଠାରେ ମ୍ୟାନେଜର ଥାଇ ଏଠାରେ ନକଲି ମଦ ପ୍ରସ୍ତୁତ କରି ଗାଁ ଗଣ୍ଡାକୁ ସପ୍ଲାଇ କରୁଥିବା ବିଧାୟକ ଅଭିଯୋଗ କରିଛନ୍ତି । ତେଣୁ ତୁରନ୍ତ ମଦ ଦୋକାନ ବନ୍ଦ କରିବାକୁ ଦାବି କରି ବିଧାୟକ ଚାବି ପକାଇ ଦେଇଛନ୍ତି ।