ମୋ ବସ କଣ୍ଡକ୍ଟରଙ୍କ ଦାଦାଗିରି

ଭୁବନେଶ୍ୱର (ବଡ଼ ଖବର ବ୍ୟୁରୋ): କଣ୍ଡକ୍ଟରଙ୍କ ଦାଦାଗିରି । ମୋ ବସରେ କାର୍ଯ୍ୟ କରୁଥିବା କଣ୍ଡକ୍ଟରଙ୍କ ନାଁରେ ଆସିଛି ଏଭଳି ଅଭିଯୋଗ । ରବିବାର ନନ୍ଦନକାନନ ଆସିଥିବା ୨୫ଜଣ ପର୍ଯ୍ୟଟକ ଫେରିବାକୁ ବସରେ ବସିଥିଲେ । ଟିକେଟ କରି ଦୁଇ ଘଣ୍ଟା ଅପେକ୍ଷା କରିଥିଲେ ସୁଦ୍ଧା ବସ ଛାଡ଼ି ନ ଥିଲା । କଣ୍ଡକ୍ଟରଙ୍କୁ ଯାତ୍ରୀମାନେ ପଚାରିବାକୁ ସେ ଅଶ୍ଳୀଳ ଭାଷାରେ ଗାଳି କରିଥିଲେ । ଟଙ୍କା ଫେରାଇବାକୁ ମଧ୍ୟ ମନା କରି ଦେଇଥିଲେ । ଶେଷରେ ବାଧ୍ୟ ହୋଇ ନନ୍ଦନକାନନ ପୋଲିସ ଘଟଣାରେ ହସ୍ତକ୍ଷେପ କରି ସମାଧାନ କରିଥିଲା । କଣ୍ଡକ୍ଟରଙ୍କୁ ପୋଲିସ ତାଗିଦ କରିବା ସହ ଯାତ୍ରୀଙ୍କ ଟଙ୍କା ଫେରସ୍ତ କରାଇଥିଲା । କଣ୍ଡକ୍ଟରଙ୍କ ଏଭଳି ଦାଦାଗିରିକୁ ସାଧାରଣରେ ନିନ୍ଦା କରାଯାଇଛି ।