ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ରବିବାର ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ବିଜେପିକୁ କଡ଼ା ଟାର୍ଗେଟ କରିଛନ୍ତି। ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଅନ୍ୟ ବିଜେପି ନେତାମାନଙ୍କୁ ଅହଂକାରରେ ପରିପୂର୍ଣ୍ଣ ବୋଲି କହିବା ସହ ଅହଂକାରୀ ବିଜେପିକୁ ପରାସ୍ତ କରିବାକୁ ଲୋକଙ୍କୁ ନିବେଦନ କରିଛନ୍ତି। ଫେରୋଜପୁରରେ ବ୍ୟବସାୟୀଙ୍କ ସହ ଏକ ବୈଠକ କରିବା ପରେ ଅରବିନ୍ଦ କେଜରିୱାଲ କହିଛନ୍ତି ଯେ ଭଗବାନ ସମଗ୍ର ବ୍ରହ୍ମାଣ୍ଡ ସୃଷ୍ଟି କରିଛନ୍ତି, କିନ୍ତୁ ବିଜେପିର ଲୋକମାନେ ବର୍ତ୍ତମାନ ଭାବିବା ଆରମ୍ଭ କରିଛନ୍ତି ଯେ ମୋଦି ଜୀ ବ୍ରହ୍ମାଣ୍ଡ ସୃଷ୍ଟି କରିଛନ୍ତି। ତେଣୁ ଅହଂକାରୀ ବିଜେପିକୁ ପରାସ୍ତ କରିବା ଦେଶ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
ସେ କହିଛନ୍ତି ଯେ ସ୍ବାଧୀନତା ସଂଗ୍ରାମରେ ପଞ୍ଜାବର ଲୋକମାନେ ସର୍ବାଧିକ ଯୋଗଦାନ ଦେଇଛନ୍ତି। ସେଥିପାଇଁ ଆଜି ମୁଁ ଦେଶକୁ ବଞ୍ଚାଇବା ପାଇଁ ଏକ ନିବେଦନ ସହିତ ଆପଣଙ୍କ ନିକଟକୁ ଆସିଛି। ଏବେ ଦେଶର ସମ୍ବିଧାନ ଏବଂ ଗଣତନ୍ତ୍ର ବିପଦରେ। ଏହାକୁ ବଞ୍ଚାଇବା ପାଇଁ ଆମକୁ ପୁଣି ଆଗକୁ ଆସିବାକୁ ପଡିବ। ଯଦି ଆମେ ଏଥର ନରେନ୍ଦ୍ର ମୋଦିଙ୍କୁ ପରାସ୍ତ ନକରିବା ତେବେ ଗଣତନ୍ତ୍ର ଏବଂ ସମ୍ବିଧାନ ନଷ୍ଟ ହୋଇଯିବ। ତେବେ ଦେଶର ପରିସ୍ଥିତି ପାକିସ୍ତାନ, ବାଂଲାଦେଶ ଏବଂ ରୁଷିଆ ଭଳି ହେବ।
