ଝାରସୁଗୁଡା (ବଡ଼ ଖବର ବ୍ୟୁରୋ): ଝାରସୁଗୁଡା ନିର୍ବାଚନ ମଣ୍ଡଳୀରେ ଦିନକୁ ଦିନ ବିଜେପିର ବଳ ବଢ଼ିବାରେ ଲାଗିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଲୋକପ୍ରିୟତା ଓ ଲୋକାଭିମୁଖୀ ଯୋଜନାରେ ଅନୁପ୍ରାଣିତ ହୋଇ ବର୍ତ୍ତମାନ୍ ଲୋକେ ତାଙ୍କୁ ନିଜର ଆଦର୍ଶ ମାନିବା ଆରମ୍ଭ କଲେଣି। ଏହାର ପ୍ରଭାବରେ ଆଜି ବିଜେପି ରାଜ୍ୟ ସମ୍ପାଦକ ଟଙ୍କଧର ତ୍ରିପାଠୀଙ୍କ ନେତୃତ୍ୱରେ ଝାରସୁଗୁଡ଼ା ନିର୍ବାଚନ ମଣ୍ଡଳୀର ଲଇକେରା ମଣ୍ଡଳରେ ବିଜେପିର ବଡ଼ ଧରଣ ର ମିଶ୍ରଣ ପର୍ବ ଅନୁଷ୍ଠିତ ହୋଇ ଯାଇଛି।
ଦୀର୍ଘ ଦିନ ଏହି ଅଞ୍ଚଳ ରେ ଚାଲିଥିବା ପରିବାରବାଦ୍ ଶାସନକୁ ତ୍ୟାଗ କରି ୫ ଟି ପଞ୍ଚାୟତରୁ ପ୍ରାୟ ୧୦୦୦ରୁ ଅଧିକ କର୍ମୀ ବିଭିନ୍ନ ଦଳରୁ ଆସି ବିଜେପିରେ ସାମିଲ ହୋଇଛନ୍ତି । ଏହି କାର୍ଯ୍ୟକ୍ରମରେ ବିଜେପିର ବରିଷ୍ଠ ନେତା ପ୍ରମୋଦ ତ୍ରିପାଠୀ, ଲଳିତ ମଗର, ପଙ୍କଜ ବେହେରା, ସଂଯୁକ୍ତା ଓରାମ ପ୍ରମୁଖ ଉପସ୍ଥିତ ଥିଲେ।
