ଅନୈତିକ ସମ୍ପର୍କକୁ କେନ୍ଦ୍ର କରି ହତ୍ୟା
ବାରିପଦା (ବଡ଼ ଖବର ବ୍ୟୁରୋ): ଅନୈତିକ ସମ୍ପର୍କକୁ କେନ୍ଦ୍ର କରି ଯୁବକଙ୍କୁ ପିଟିପିଟି ହତ୍ୟା ଅଭିଯୋଗ । ମୟୂରଭଞ୍ଜ ଜିଲ୍ଲା ବେତନଟୀ ଥାନା ଅଧିନ କେନ୍ଦୁଛାଟିଆ ଗ୍ରାମରେ ଘଟିଛି ହତ୍ୟାକାଣ୍ଡ । ଗ୍ରାମରେ ଜାସାୟ ଟୁଡୁ ଏବଂ ତାଙ୍କ ପୁଅ ବାପୁନ ଟୁଡୁ ଜନୈକ ଯୁବକଙ୍କୁ ଗଛରେ ବାନ୍ଧି ରାତିତମାମ କାଠ ଫାଳିଆ ଏବଂ ବାଉଁଶରେ ପିଟିପିଟି ହତ୍ୟା କରିଥିବା ଅଭିଯୋଗ ହୋଇଛି ।ମୃତକ ହେଲେ ସୁନାରାମ ଟୁଡୁ । ସୋମବାର କେନ୍ଦୁଛାଟିଆ ଗ୍ରାମରେ ଜାହୀରା ପୂଜା ଚାଲିଥିଲା ।
ପୂଜା ପରେ ପାରମ୍ପରିକ ନୃତ୍ୟ ଚାଲିଥିଲା । ନାଚ ଚାଲିଥିବାବେଳେ ସୁନାରାମ ଟୁଡୁ ସେହି ସ୍ଥାନରୁ କେଉଁଆଡ଼େ ଚାଲିଯାଇଥିଲେ । ତେବେ ଜାସାୟଙ୍କୁ ସନ୍ଦେହ ହେବାରୁ ନିକଟସ୍ଥ ଏକ ନିଛାଟିଆ ସ୍ଥାନରେ ଥିବା ଘରକୁ ଯାଇ ଦେଖିଲାବେଳକୁ ଦୁହେଁ ଅନୈତିକ କାର୍ୟ୍ୟରେ ଲିପ୍ତ ରହିଛନ୍ତି । ଏହା ଦେଖି ଜାସାୟ ଏବଂ ତାଙ୍କ ପୁଅ ମଧୁ ସୁନାରାମଙ୍କୁ ଧରିଆଣି ଘରପାଖ ଏକ ଗଛରେ ଏକ ଦଉଡିରେ ବାନ୍ଧିଥିଲେ ।
ରାତିତମାମ କାଠ ଫାଳିଆ ଏବଂ ବାଉଁଶରେ ନିସ୍ତୁକ ପିଟିପିଟି ଜୀବନରୁ ମାରିଦେଇଥିଲେ । ସକାଳୁ ଗ୍ରାମବାସୀମାନେ ଘଟଣା ସମ୍ପର୍କରେ ଜାଣିବା ପରେ ବାପ ଓ ପୁଅ କୁ ଗଛରେ ବାନ୍ଧି ପୋଲିସକୁ ଖବର ଦେଇଥିଲେ । ପୋଲିସ ପହଞ୍ଚି ବାପ ଓ ପୁଅ କୁ ଅଟକ ରଖିଥିବା ଜଣାପଡିଛି । ଖବର ପାଇ ବେତନଟୀ ଏସଡ଼ିପିଓ ସୁଦର୍ଶନ ଦାସଙ୍କ ସହିତ ବେତନଟୀ ଆଇଆଇସି ସସ୍ମିତା ମହାନ୍ତ ,ବାରିପଦା ସାଇଣ୍ଟିଫିକ ଟିମ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।