ପୋଲିଂ ବୁଥରେ EVM ଭାଙ୍ଗିଦେଲେ ବିଧାୟକ
ଆନ୍ଧ୍ରପ୍ରଦେଶ(ବଡ଼ ଖବର ବ୍ୟୁରୋ): ପୋଲିଂ ବୁଥରେ ବିଧାୟକଙ୍କ ଦାଦାଗିରି । ପୋଲିଂ ବୁଥରେ EVM ଭାଙ୍ଗିଦେଲେ ବିଧାୟକ । ଆନ୍ଧ୍ରପ୍ରଦେଶ ଶାସକ ଦଳ YSR କଂଗ୍ରେସ ପାର୍ଟିର ବିଧାୟକଙ୍କ ବିରୋଧରେ ସାଙ୍ଘାତିକ ଅଭିଯୋଗ ଆସିଛି । ପୁଲିଂ ବୁଥରେ EVM ମେସିନ୍ ଭାଙ୍ଗିଥିବା ଭିଡିଓ ଭାଇରାଲ ହେବାର ଲାଗିଛି । ଏହି ଭାଇରାଲ ଭିଡିଓ ଟିରେ ଦେଖିବାକୁ ମିଳିଛିକି ଜଗନ୍ନ ରେଡ୍ଡୀଙ୍କ ବିଧାୟକ ପୋଲିଂ କର୍ମଚାରୀଙ୍କୁ ଧମକ ଦେବା ସହ EVM ମେସିନ୍କୁ ଫିଙ୍ଗି ଭାଙ୍ଗି ଦେଇଛନ୍ତି । ଭିଡିଓ ଭାଇରାଲ ହେବା ପରେ ନିର୍ବାଚନ ଆୟୋଗ ଏନେଇ ପୋଲିସକୁ କଡ଼ା କାର୍ୟ୍ୟାନୁଷ୍ଠାନ ନେବା ପାଇଁ ନିର୍ଦ୍ଦେଶ ଦେଇଛନ୍ତି
ସୂଚନା ମୁତାବକ, ମାଚରଲା ବିଧାନସଭା ଅଞ୍ଚଳର ବୁଥ ନଂ ୨୦୨ ଓ ୭ ରେ ଇଭିଏମ୍ ମେସିନ୍ ଭାଙ୍ଗିଯାଇଥିବା ଭିଡିଓ ଭାଇରାଲ ହୋଇଥିଲା । ବିଧାୟକ ପି.ରାମକୃଷ୍ଣ ରେଡ୍ଡୀ ଇଭିଏମ୍କୁ ତଳେ ପକାଇ ଭାଙ୍ଗୁଥିବା ବେଳର ଦୃଶ୍ୟ ସିସିଟିଭିରେ ରେକର୍ଡ କରାଯାଇଛି। ପୋଲିଂ ଅଧିକାରୀଙ୍କ କହିବାନୁସାରେ, ଯାଞ୍ଚରେ ବିଧାୟକଙ୍କ ନାଁକୁ ଅଭିଯୁକ୍ତ ଭାବେ ସାମିଲ କରାଯାଇଛି। ଏହି ଘଟଣାରେ ସମ୍ପୃକ୍ତ ସମସ୍ତଙ୍କ ବିରୋଧରେ କଠୋର କାର୍ୟ୍ୟାନୁଷ୍ଠାନ ଗ୍ରହଣ କରିବାକୁ ସିଇଓ ମୁକେଶ କୁମାର ମୀନାଙ୍କୁ ଡିଜିପିଙ୍କୁ ସୂଚନା ଦେବାକୁ ନିର୍ଦ୍ଦେଶ ଦିଆଯାଇଛି।