ନନ୍ଦନକାନନ ରେ ନୂଆ ଅତିଥି

ନନ୍ଦନକାନନ:(ବଡ଼ଖବରବ୍ୟୁରୋ)

 ନନ୍ଦନକାନନରେ ପର୍ଯ୍ୟଟକଙ୍କ ଆକର୍ଷଣର କେନ୍ଦ୍ରବିନ୍ଦୁ ଥିବା ଏକ mouse deer ( ଗୁରାଣ୍ଡି )  ତାର ସାବକକୁ ମଙ୍ଗଳବାର  ଜନ୍ମ ଦେଇଛି।ବିରଳ ଓ ବିଲୁପ୍ତ ପ୍ରଜାତିର ଏହି ତୃଣଭୋଜି ପ୍ରାଣୀଟି  ଗୋଟେ ଛୁଆକୁ ଜନ୍ମ ଦେଲା ପରେ  ନନ୍ଦନକାନନ ର ଏକ ଡାକ୍ତରୀ ଦଳ ଖୁଆଡ଼ ନିକଟରେ ପହଞ୍ଚି  ମା ଓ ଛୁଆଙ୍କ ସ୍ୱାସ୍ଥ୍ୟବସ୍ଥା ପରୀକ୍ଷା କରିଥିଲେ।ସେପଟେ ମା ଓ ଛୁଆ ସୁସ୍ଥ ଥିବା ବେଳେ ନନ୍ଦନକାନନରେ ବର୍ତ୍ତମାନ ଏହି ଗୁରାଣ୍ଡିଙ୍କ ସଂଖ୍ୟା ୧୨ କୁ ବୃଦ୍ଧି ପାଇଛି।ସୂଚନା ଅନୁସାରେ,ବର୍ଷା ଋତୁ  ସମୟରେ ଏମାନଙ୍କର ମିଳନ ଘଟିଥାଏ ଏବଂ ଶୀତ ଋତୁ ପ୍ରାରମ୍ଭରେ ଏମାନେ ସାବକଙ୍କୁ ଜନ୍ମ ଦେଇଥାନ୍ତି।