ନିର୍ବାଚନ କମିଶନ ନିରପେକ୍ଷ ଭାବରେ ନିର୍ବାଚନ ପରିଚାଳନା କରିବେ ବୋଲି ଆଶା ରଖିଛନ୍ତି ନରସିଂହ ମିଶ୍ର

ଭୁବେନେଶ୍ୱର (ବଡ଼ ଖବର ବ୍ୟୁରୋ): ଦେଶର ୫ ରାଜ୍ୟରେ ନିର୍ବାଚନ ତାରିଖ ଘୋଷଣା ପରେ ପ୍ରତିକ୍ରିୟା ରଖିଲେ ବିଧାୟକ ନରସିଂହ ମିଶ୍ର । ନିର୍ବାଚନ ହେବାକୁ ଥିବା ୫ ରାଜ୍ୟ ମଧ୍ୟରୁ ଚାରିଟି ରାଜ୍ୟରେ କଂଗ୍ରେସ ସରକାର ଗଠନ କରିବ । ଏପରିକି ବିଜେପି କୌଣସି ରାଜ୍ୟରେ ସରକାର ଗଠନ କରି ପାରିବ ନାହିଁ ବୋଲି ଦୃଢୋକ୍ତି ପ୍ରକାଶ କରିଛନ୍ତି ନରସିଂହ ମିଶ୍ର ।ତେବେ ଏହି ୫ଟି ରାଜ୍ୟରେ ନିର୍ବାଚନ ପାଇଁ ଠିକ୍ ସମୟରେ ନିର୍ବାଚନ କମିଶନ ତାରିଖ ଘୋଷଣା କରିଛନ୍ତି । ଏବଂ ନିର୍ବାଚନ କମିଶନ ନିରପେକ୍ଷ ଭବରେ ନିର୍ବାଚନ ପରିଚାଳନା କରିବେ ବୋଲି ଆଶା ରଖିଛନ୍ତି ନରସିଂହ । ଏପଟେ ଓଡ଼ିଶାରେ ନିର୍ବାଚନ ପାଇଁ ଆହୁରି ୫ ମାସ ସମୟ ବାକି ଅଛି । ଯେଉଁ ସମୟରେ ହେବା କଥା ସେ ସମୟରେ ନିର୍ବାଚନ ହେବ । ହେଲେ ଏଥର ଓଡିଶାରେ ଶାସନ ପରିବର୍ତ୍ତନ ହେବ ବୋଲି ଆଶାବ୍ୟକ୍ତ କରିଛନ୍ତି ବରିଷ୍ଠ କଂଗ୍ରେସ ନେତା ନରସିଂହ ମିଶ୍ର ଓ ଆଉ ଏଥିରେ କଂଗ୍ରେସ ଲାଭବାନ୍ ହେବ ବୋଲି ସେ କହିଛନ୍ତି ।