ଅଗଷ୍ଟ୧ରୁ କୃଷକଙ୍କ ଦେଶବ୍ୟାପୀ ବିକ୍ଷୋଭ ପ୍ରଦର୍ଶନ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ):ପୁଣି ହେବ କୃଷକ ଆନ୍ଦୋଳନ । ସରକାରଙ୍କର ପ୍ରତିଶ୍ରୁତିକୁ ମନେ ପକାଇ ପୁଣିଥରେ ପ୍ରତ୍ୟେକ ରାଜ୍ୟରେ କୃଷକ ଆନ୍ଦୋଳନ ଜୋର ଧରିପାରେ ବୋଲି ଆଶା କରାଯାଉଛି । ଏ ନେଇ ଦିଲ୍ଲୀର ସଂଯୁକ୍ତ କିଷାନ ମୋର୍ଚ୍ଚାର ରାଷ୍ଟ୍ରୀୟ ବୈଠକରେ ନିଷ୍ପତ୍ତି ନିଆଯାଇଛିା ଯେଉଁଥିରେ କିଷାନ ସଂଗଠନର ୨୦୦ରୁ ଅଧିକ କିଷାନ ନେତା ସାମିଲ ରହିଛନ୍ତି ।

ଚାଷୀଙ୍କୁ ଉତ୍ପାଦିତ ସାମଗ୍ରୀର ସର୍ବନିମ୍ନ ସହାୟକ ମୂଲ୍ୟ (ଏମ୍‌ଏସ୍‌ପି), ପେନ୍‌ସନ ଏବଂ ବିସ୍ତୃତ ଫସଲ ବୀମା ଯୋଜନା ଦାବିରେ ସଂଯୁକ୍ତ କିଷାନ ମୋର୍ଚ୍ଚା ପକ୍ଷରୁ ଅଗଷ୍ଟ୧ରୁ ୧୫ ତାରିଖ ପର୍ଯ୍ୟନ୍ତ ଦେଶବ୍ୟାପୀ ବିକ୍ଷୋଭ ପ୍ରଦର୍ଶନ କରାଯିବ। କୃଷକ ସଙ୍ଗଠନ ପକ୍ଷରୁ ରବିବାର ଦିଲ୍ଲୀ ବୈଠକରେ ନିଆଯାଇଥିବା ଏହି ନିଷ୍ପତ୍ତି ସମ୍ପର୍କରେ ଘୋଷଣା କରାଯାଇଛି। ସେହିପରି ମେ’ ମାସରୁ ଜୁଲାଇ ପର୍ଯ୍ୟନ୍ତ ଦେଶର କୃଷକମାନଙ୍କୁ ଏକଜୁଟ କରିବା ପାଇଁ ମଧ୍ୟ ସଂଯୁକ୍ତ କିଷାନ ମୋର୍ଚ୍ଚା ପ୍ରଚାର କରିବ ।