ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ନାଟୋ ମେଣ୍ଟ ପାଇଁ ଭାରତକୁ ମିଳିଛି ଅଫର । ୪୦ ଦେଶର ସାମରିକ ମେଣ୍ଟ ହେଉଛି ନାଟୋ ବା ନର୍ଥ ଆଟଲାଣ୍ଟିକ ଟ୍ରିଟ ଅର୍ଗାନାଇଜେସନ । ଏଥିରେ ଯୋଗଦାନ ସମ୍ପର୍କରେ ନାଟୋର ଜଣେ ବରିଷ୍ଠ ଅଧିକାରୀ ପ୍ରଥମ ଥର ପାଇଁ ବିବୃତି ରଖିଛନ୍ତି । ନାଟୋର ଆମେରିକୀୟ ସ୍ଥାୟୀ ପ୍ରତିନିଧି ଜୁଲିଅନ୍ ସ୍ମିଥ୍ କହିଛନ୍ତି, ନାଟୋ ମେଣ୍ଟରେ ଯୋଗଦେବା ସମ୍ପର୍କରେ ଭାରତ ସହ ଅଧିକ ଆଲୋଚନା ପାଇଁ ଦ୍ୱାର ଖୋଲା ରହିଛି । ଦିଲ୍ଲୀରେ ଆୟୋଜିତ ବାର୍ଷିକ ରାୟସିନା ଡାୟଲଗ୍ସ ଅବସରରେ ନାଟୋ ଓ କେତେକ ଭାରତୀୟ ଅଧିକାରୀଙ୍କ ମଧ୍ୟରେ ଅନୌପଚାରିକ ଆଲୋଚନ ହୋଇଥିଲା ।
ସ୍ମିଥ୍ କହିଛନ୍ତି, ନାଟୋରେ ଭାରତ ସାମିଲ ହେବା ପ୍ରସ୍ତାବ ଏବେ ପ୍ରାରମ୍ଭିକ ପର୍ଯ୍ୟାୟରେ ଅଛି । ପୂର୍ବରୁ ଭାରତକୁ ପ୍ରସ୍ତାବ ଦିଆଯାଇ କୁହାଯାଇଥିଲା ଯେ ଆମେରିକାର ନାଟୋ ମେଣ୍ଟ ଭଳି ଭାରତ ସହ ଅଧିକ ସାମରିକ ସମ୍ପର୍କ ସ୍ଥାପନ କରିବାକୁ ଚାହେଁ । ଏବେ ନାଟୋରେ ୪୦ ଦେଶ ସଦସ୍ୟ ରହିଛନ୍ତି । ଏପ୍ରିଲ ୪ ଓ ୫ରେ ବ୍ରସେଲ୍ସଠାରେ ନାଟୋ ମେଣ୍ଟର ବିଦେଶ ମନ୍ତ୍ରୀମାନଙ୍କ ବୈଠକ ବସିବ ।
