ନଟରାଜନ ତୁମେ ମ୍ୟାନ ଅଫ ଦି ସିରିଜ ପୁରସ୍କାର ପାଇବା ପାଇଁ ଯୋଗ୍ୟ: ପାଣ୍ଡ୍ୟା
ଭୁବନେଶ୍ୱର (ବଡ଼ ଖବର ବ୍ୟୁରୋ): ଆଜି ହେଉଛି କ୍ରିକେଟ ପ୍ରଶଂସକ ଓ ଭାରତର ଯୁବ ପେସ୍ ବୋଲର ଟି ନଟରାଜନଙ୍କ ପାଇଁ ଏକ ସ୍ମରଣୀୟ ଦିନ । ଟି-୨୦ ସିରିଜ ଜିତିବା ପରେ ମ୍ୟାନ ଅଫ ଦି ସିରିଜ ପୁରସ୍କାର ପାଇଥିଲେ ହାର୍ଦ୍ଦିକ ପାଣ୍ଡ୍ୟା । ହାର୍ଦ୍ଦିକ ପୁରସ୍କାର ପାଇବା ପରେ ଏକ ହୃଦୟସ୍ପର୍ଶୀ ଟୁଇଟ କରିଛନ୍ତି । ଯାହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସେ ଟୁଇଟରେ ଲେଖିଛନ୍ତି କି ନଟରାଜନ ତୁମେ ଏହି ସିରିଜରେ ଉଲ୍ଲେଖନୀୟ ପ୍ରଦର୍ଶନ କରିଛ । ଡେବ୍ୟୁରେ ତୁମେ ଚମତ୍କାର ପ୍ରଦର୍ଶନ କରିଛ । କଠିନ ପରିସ୍ଥିତିରେ ତୁମେ ଚମତ୍କାର ପ୍ରଦର୍ଶନ କରିଛ । ‘ମୋ ମତରେ ତୁମେ ମ୍ୟାନ ଅଫ ଦି ସିରିଜ ପାଇବାକୁ ଯୋଗ୍ୟ ମୋ ଭାଇ’ ଏମିତି କିଛି ଟୁଇଟ କରିଛନ୍ତି ପାଣ୍ଡ୍ୟା ।
Natarajan, you were outstanding this series. To perform brilliantly in difficult conditions on your India debut speaks volumes of your talent and hardwork 👏 You deserve Man of the Series from my side bhai! Congratulations to #TeamIndia on the win 🇮🇳🏆 pic.twitter.com/gguk4WIlQD
— hardik pandya (@hardikpandya7) December 8, 2020
ହାର୍ଦ୍ଦିକ ପାଣ୍ଡ୍ୟା ଦ୍ୱିତୀୟ ମ୍ୟାଚରେ ମ୍ୟାନ ଅଫ ଦି ମ୍ୟାଚ ପୁରସ୍କାର ପାଇବା ପରେ ସେ କହିଥିଲେ କି ନଟରାଜନଙ୍କୁ ଏହି ପୁରସ୍କାର ପାଇବା ପାଇଁ ଯୋଗ୍ୟ । ତାଙ୍କ ଉଲ୍ଲେଖନୀୟ ସ୍ପେଲ ପାଇଁ ତାଙ୍କୁ ଏହି ପୁରସ୍କାର ଦେବା କଥା ବୋଲି ପାଣ୍ଡ୍ୟା କହିଥିଲେ । ନଟରଜାନ ଦ୍ୱିତୀୟ ଟି-୨୦ରେ ୪ ଓଭରରେ ୨୦ ରନ ଦେଇ ୨ଟି ୱିକେଟ ନେଇଥିଲେ ।
