ଓଡ଼ିଶା ବିଧାନସଭାରେ ନୂଆ ଭୂମିକାରେ ନଜର ଆସିବେ ନବୀନ
ଭୁବନେଶ୍ୱର (ବଡ଼ ଖବର ବ୍ୟୁରୋ): ୨୪ ନିର୍ବାଚନରେ କାହିଁକି କ୍ଷମତାଚ୍ୟୁତ ହେଲା ବିଜେଡି ? ଅଧାରେ ରହିଗଲା ନବୀନଙ୍କ ରେକର୍ଡ । ଦେଶରେ ସର୍ବାଧିକ ସମୟ ଶାସନ କରି ନବୀନ ଆଉ ମାତ୍ର କେଇଟା ଦିନ ପରେ ରେକର୍ଡ ସ୍ଥାପନ କରିଥାନ୍ତେ । ହେଲେ ବିଜେଡିର ଭୁଲ ରଣନୀତି ଓ ମୋଦି ହାୱା ସବୁକିଛି ଓଲଟପାଲଟ କରିଦେଲା । ଓଡ଼ିଶାରେ ଧରାଶାୟୀ ହୋଇଗଲା ବିଜେଡି ସରକାର । ତେବେ ବିଜେଡି ସୁପ୍ରିମୋ ନବୀନ ପଟ୍ଟନାୟକ ଏଥର ଓଡ଼ିଶା ବିଧାନସଭାରେ ନୂଆ ଭୂମିକାରେ ନଜର ଆସିବେ ।
ବିରୋଧୀ ଦଳ ନେତା ଭାବେ ନବୀନ ପଟ୍ଟନାୟକଙ୍କ ନାଁକୁ ପ୍ରସ୍ତାବ ଦେଇଛନ୍ତି ଦଳୀୟ ନେତା । ଫଳରେ ନବୀନ ବିରୋଧୀ ଦଳ ନେତା ହେବା ସମ୍ଭାବନା ବଢିଯାଇଛି । ସେହିପରି ବିଧାୟିକା ପ୍ରମିଳା ମଲ୍ଲିକଙ୍କୁ ବିରୋଧୀ ଦଳ ମୁଖ୍ୟ ସଚେତକ ଭାବେ ଦେଖିବାକୁ ମିଳିପାରେ । ଏବଂ ପ୍ରସନ୍ନ ଆଚାର୍ୟ୍ୟଙ୍କୁ ବିରୋଧୀ ଦଳ ଉପନେତା କରିବାକୁ ବିଜେଡି ଯୋଜନା କରୁଛି ବୋଲି ଜଣାପଡ଼ୁଛି ।