ନକ୍ସଲଙ୍କ ବର୍ବର କାଣ୍ଡ

ମାଲକାନଗିରି(ବଡ଼ ଖବର ବ୍ୟୁରୋ): ଆଜି ପୁଣି ନକ୍ସଲମାନେ ମାଲକାନଗିରିର ସ୍ୱାଭିମାନ ଅଞ୍ଚଳ  ନିକଟରେ ଜଣଙ୍କର ମୁଣ୍ଡକାଟି ହତ୍ୟା କରିଛନ୍ତି । ମୃତ ବ୍ୟକ୍ତି ହେଉଛନ୍ତି ଆନ୍ଧ୍ରପ୍ରଦେଶ ବିଶାଖାପାଟନାମ ଜିଲ୍ଲା ଚିନ୍ତାଗୁରୁ ଗାଁର ଶତୀଶ ବାବୁ । ପୋଲିସ ଇନଫରମର ସନ୍ଦେହରେ ଶତୀଶଙ୍କୁ କୋରୁକୋଣ୍ଡାଦଳମ୍ ମାଓବାଦୀମାନେ ହତ୍ୟା କରିଛନ୍ତି । ଶତୀଶଙ୍କୁ ବୁଧବାର ୨୦ରୁ ଉର୍ଦ୍ଧ ମାଓବାଦୀ ଡ଼ାକିନେଇଥିଲେ । ଚିନ୍ତାଗୁରୁ ଗାଁ ମୁଣ୍ଡରେ ତାଙ୍କ ଦୁଇ ହାତକୁ ବାନ୍ଧି ମୁଣ୍ଡ କାଟିଦେଇଥିଲେ । ଘଟଣା ସ୍ଥଳରେ ମାଓବାଦୀମାନେ ଛାଡ଼ିଯାଇଛନ୍ତି ଏକ ଚିଠି । ଶତୀଶ ପୋଲିସ ଇନଫରମର ଓ ଗଞ୍ଜେଇ ବ୍ୟବସାୟୀ । ଆଦିବାସୀମାନଙ୍କୁ ସେ ହଇରାଣ କରୁଥିବାରୁ ହତ୍ୟା କଲୁ ବୋଲି ମାଓବାଦୀମାନେ ଚିଠିରେ ଉଲ୍ଲେଖ କରିଛନ୍ତି ।