ବକେୟା କାମ ତୁରନ୍ତ ସାର
ନାଉଗାଁ (ବଡ଼ ଖବର ବ୍ୟୁରୋ): ଜଗତସିଂହପୁର ଜିଲ୍ଲା ନାଉଗାଁ ବ୍ଲକର ଜ୍ୟୋତି ଫେଡେରେସନ ହଲରେ ଆଜି ନିର୍ବାଚନମଣ୍ଡଳୀ ସ୍ତରୀୟ ଉନ୍ନତୀକରଣ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଜିଲ୍ଳା ଯୋଜନା ବୋର୍ଡ଼ର ଅଧ୍ୟକ୍ଷ ତଥା ଜଗତସିଂହପୁର ବିଧାୟକ ପ୍ରଶାନ୍ତ କୁମାର ମୁଦୁଲି, ଜିଲ୍ଲାପାଳ ସରୋଜ କୁମାର ମିଶ୍ର, ଅତିରିକ୍ତ ଜିଲ୍ଲାପାଳ ସଚିଦାନନ୍ଦ ସାହୁ, ପ୍ରକଳ୍ପ ନିର୍ଦ୍ଦେଶକ ସରୋଜ କାନ୍ତ ମହାନ୍ତି, ଉପ ଜିଲ୍ଲାପାଳ ଧର୍ମାନନ୍ଦ ମଲ୍ଲିକ, ନାଉଗାଁ ବ୍ଲକ୍ ଅଧ୍ୟକ୍ଷ ଜଗନ୍ନାଥ ଦାସ, ନାଉଗାଁ ବିଡିଓ ରଶ୍ମିରେଖା ମଲ୍ଲିକ, ଜଗତସିଂହପୁର ବିଡିଓ ସାଗର ନନ୍ଦ, ନାଉଗାଁ ତହସିଲଦାର ଜେ କଳ୍ପନା, ଜଗତସିଂହପୁର ତହସିଲଦାର ମାନସ କୁମାର ଭୋଇ, ଅବକାରୀ ଅଧୀକ୍ଷକ ଅଶୋକ କୁମାର ଶତପଥୀ, ଏସଡିପିଓ ପ୍ରିୟରଞ୍ଜନ ସତପଥୀଙ୍କ ସମେତ ଜିଲ୍ଲାର ସମସ୍ତ ବିଭାଗର ପ୍ରମୁଖ ଅଧିକାରୀମାନେ ଉପସ୍ଥିତ ଥିଲେ।
ଏହି ବୈଠକରେ ବିଭିନ୍ନ ଉନ୍ନତିମୂଳକ କାର୍ଯ୍ୟକ୍ରମ ଉପରେ ସମୀକ୍ଷା କରାଯାଇଥିଲା। ଆର୍ଥିକ ବର୍ଷ ଅନୁଯାୟୀ କେତେ କାମ ଆସିଥିଲା ଓ ସେଥିରୁ କେତେ କାର୍ଯ୍ୟ ଶେଷ ହୋଇଛି ଓ ଆଉ ଯାହା ବାକି ଅଛି କ’ଣ ପାଇଁ ବାକି ଅଛି। ସେହି କାର୍ଯ୍ୟକୁ ତୁରନ୍ତ ସାରିବା ପାଇଁ ଜିଲ୍ଲାପାଳ ଓ ବିଧାୟକ ନିର୍ଦ୍ଦେଶ ଦେଇଥିଲେ। ଦୁଇ ବ୍ଲକକୁ ଆସିଥିବା ଅନୁଦାନକୁ ତୁରନ୍ତ କାର୍ଯ୍ୟରେ ଲଗାଇ ଶେଷ କରିବା ପାଇଁ ନିର୍ଦ୍ଦେଶ ଦେଇଥିଲେ । ଯଦି ଅନୁଦାନ ଫେରି ଯାଏ ମୁଁ ବରଦାସ୍ତ କରିବି ନାହିଁ ବୋଲି ବିଧାୟକ ଚେତାବନୀ ଦେଇଥିଲେ।