ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ୧୯୭୧ ମସିହା ଯୁଦ୍ଧରେ ଭାରତୀୟ ନୌସେନାର ପରାକ୍ରମକୁ ମନେପକାଉଛି ସାରା ଦେଶ । ୧୯୭୧ ଡିସେମ୍ବରରେ ହୋଇଥିଲା ଭାରତ-ପାକିସ୍ତାନ ଯୁଦ୍ଧ । ଭାରତ-ପାକିସ୍ତାନ ସାମରିକ ବାହିନୀ ମୁହାଁମୁହିଁ ହେବାକୁ ଦୃଷ୍ଟିରେ ରଖି ନୌସେନା ପକ୍ଷରୁ ବ୍ୟାପକ ପ୍ରସ୍ତୁତ କରାଯାଇଥିଲା । ୱେଷ୍ଟର୍ଣ୍ଣ ନାଭାଲ କମାଣ୍ଡ କରାଚି ବନ୍ଦର ଉପରେ ଆକ୍ରମଣ କରିବାକୁ ଯୋଜନା କରାଯାଇଥିଲା । ଏହି ମିସନ ପାଇଁ ନାଭାଲ କମାଣ୍ଡ ଅଧୀନରେ ଏକ ଷ୍ଟ୍ରାଇକ ଗ୍ରୁପ ଗଠନ କରାଯାଇଥିଲା । ଡିସେମ୍ବର ୪ତାରିଖରେ ଆଇଏନଏସ ନିପାଟ ଦୁଇଟି କ୍ଷେପଣାସ୍ତ୍ର ଉତକ୍ଷେପଣ କରିଥିଲା । ଏଥିମଧ୍ୟରୁ ପ୍ରଥମଟି କରାଚି ବନ୍ଦରରେ ଥିବା ତେଲ ଟାଙ୍କି ଉପରେ ପଡ଼ି ଧ୍ୱଂସବିଧ୍ୱଂସ କରିଦେଇଥିଲା । ଅନ୍ୟପଟେ ଭାରତୀୟ ଟାସ୍କ ଗ୍ରୁପ ପାରସ୍ୟ ଉପସାଗରକୁ ପାକିସ୍ଥାନ ପର୍ଯ୍ୟନ୍ତ ସମୁଦ୍ର ମାର୍ଗ ଉପରେ ସମ୍ପୂର୍ଣ୍ଣ ନିୟନ୍ତ୍ରଣ କରିଥିଲା । ଫଳରେ ବାଣିଜ୍ୟିକ ଯାତାୟତ ବନ୍ଦ ହୋଇଯାଇଥିଲା । ଫଳରେ ନୌସେନାର ଏପରି ପଦକ୍ଷେପକୁ ସ୍ମାରକୀ ପୂର୍ବକ ଡିସେମ୍ବର ୪କୁ ଭାରତୀୟ ନୌସେନା ଦିବସ ଭାବେ ପାଳନ କରାଯାଏ ।
