ନକଲି ଟଙ୍କା କାରଖାନା ଠାବ

ନୟାଗଡ଼, (ବଡ଼ ଖବର ବ୍ୟୁରୋ): ନୟାଗଡ଼ରେ ଜାଲି ନୋଟ କାରଖାନା ଠାବ ହୋଇଛି । ନୟାଗଡ ସହରରୁ ୫୦୦ ଟଙ୍କିଆ ଜାଲି ନୋଟ ଜବତ କରିଛି ପୋଲିସ । ଉକ୍ତ କାରଖାନାରୁ ପ୍ରାୟ ୧ ଲକ୍ଷ ୨୫ ହଜାର ଟଙ୍କା ଜବତ କରିଛି ପୋଲିସ । ସୂଚନା ମୁତାବକ, ଏକ ବାଇକ ଶୋରୁମରୁ ବାଇକ କିଣିବା ପାଇଁ ଜଣେ ଯୁବକ ୧ ଲକ୍ଷ ୩୦ ହଜାର ଟଙ୍କା ଦେଇଥିଲେ । ତା ମଧ୍ୟରୁ କେବଳ ୫ ହଜାର ଟଙ୍କାକୁ ଛାଡ଼ି ଅନ୍ୟ ନୋଟ ସବୁ ଜାଲି ବାହାରିଥିଲା।

ଏହାପରେ ସେ ନୟାଗଡ଼ ଥାନାରେ ଅଭିଯୋଗ କରିଥିଲେ । ନୟାଗଡ଼ ଟାଉନ ଥାନା ପୋଲିସ ପକ୍ଷରୁ ଅଧିକ ତଦନ୍ତ ଜରାଯାଇ ନୟାଗଡ଼ ସହର ରାଜବଗିଚା ଅଞ୍ଚଳର ଏକ ଭଡାଘରୁ ଜାଲି ନୋଟ ଛପା ଯାଉଥିବା ସମସ୍ତ ଯନ୍ତ୍ରାଂଶ ଜବତ କରିବା ସହିତ ଜଣଙ୍କୁ ଅଟକ ରଖିଛି। ଯଦି କୌଣସି ବ୍ୟକ୍ତି ଏହି ଜାଲି ନୋଟ ପାଆନ୍ତି କିମ୍ବା ସନ୍ଦେହ ହୁଏ ତେବେ ତୁରନ୍ତ ନୟାଗଡ଼ ଟାଉନ ଥାନା ସହ ଯୋଗାଯୋଗ କରିବାକୁ ଥାନା ଅଧିକାରୀ ଜୟଦୀପ ମହାନ୍ତି ସୂଚନା ଦେଇଛନ୍ତି।