ଅଯୋଧ୍ୟାରେ ଲାଗିବ ସାଢେ ନଅ ଲକ୍ଷ ଦୀପ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଗକୁ ଆସୁଛି ଆଲୋକର ପର୍ବ ଦୀପାବଳୀ । ଏହି ପର୍ବ ପାଇଁ ଅଯୋଧ୍ୟାରେ ଲଗାଯିବ ସାଢେ ନଅ ଲକ୍ଷ ଦୀପ । ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ ଅଯୋଧ୍ୟାର ରାମ ପେଡରେ ନଅ ଲକ୍ଷ ୫୧ ହଜାର ଦୀପ ଜଲାଇବା ପାଇଁ ଲକ୍ଷ୍ୟ ରଖିଛନ୍ତି । ଏହି ଲକ୍ଷ୍ୟକୁ ସଫଳ କରିବା ପାଇଁ ପେଡୋଘାଟରେ ଚାଲିଛି ଜୋରଦାର ପ୍ରସ୍ତୁତି । ଏଥି ପାଇଁ ଅଯୋଧ୍ୟାର ସସସ୍ତ କଲେଜ ଛାତ୍ରଛାତ୍ରୀମାନଙ୍କୁ ସହଯୋଗ କରିବା ପାଇଁ କୁହାଯାଇଛି ।

ଏହା ବ୍ୟତୀତ ମଧ୍ୟ ୪୯ଟି ସଂସ୍ଥାର ୧୪୦୦୦ ଲୋକ ଦୀପ ସଜାଇବା ପାଇଁ କାମ କରୁଛନ୍ତି । ଲୋକଙ୍କୁ ଆକର୍ଷିତ କରିବା ପାଇଁ ହେଉଛି ଏହି କାର୍ଯ୍ୟକ୍ରମ । ବୁଧବାର ଦିନ ସମସ୍ତ ଦୀପକୁ ପ୍ରଜ୍ୱଳିତ କରାଯିବ । ଏହି ଦୀପ ପ୍ରଜ୍ୱଳନ ବିଶ୍ୱରେ ରେକର୍ଡ଼ ସୃଷ୍ଟି କରିବ ବୋଲି ସଂସ୍ଥାର ଆୟୋଯକ କହିଛନ୍ତି । ଏଥିପାଇଁ ମଧ୍ୟ ଗିନିସ ବୁକର ଅଧିକାରୀମାନଙ୍କ ସହ ସମ୍ପର୍କ କରାଯାଇଛି । ମଙ୍ଗଳବାର ଦିନ ଅଧିକାରୀମାନେ ପେଡୋଘାଟରେ ଉପସ୍ଥିତ ରହି ଏହାର ଗଣନା କରିବେ ।