ଭଣ୍ଡାରିପୋଖରୀରେ ଶକ୍ତିପ୍ରଦର୍ଶନ କଲେ ନିରଞ୍ଜନ ପଟ୍ଟନାୟକ
ଭଣ୍ଡାରିପୋଖରୀ (ବଡ଼ ଖବର ବ୍ୟୁରୋ): ଭଣ୍ଡାରିପୋଖରୀ ବିଧାନସଭା କ୍ଷେତ୍ରର କଂଗ୍ରେସର ବିଧାୟକ ପ୍ରାର୍ଥୀ ନିରଞ୍ଜନ ପଟ୍ଟନାୟକ ବାରିକପୁର ତୋଡଙ୍ଗା ଠାରେ ଏକ ସଭା କରି ନିଜର ଶକ୍ତି ପଦର୍ଶନ କରିଥିଲେ । ୧୦ହଜାରରୁ ଅଧିକ ଲୋକମାନଙ୍କୁ ଏକତ୍ର କରି ଏକ ସମାବେଶ କରିବା ସହିତ ବିରାଟ ପଟୁଆରରେ ମୋଟର ସାଇକେଲ ରାଲିରେ ଆସି ବିଜେଡି ସରକାର ଉପରେ ଖୁବ ଜୋରରେ ବର୍ଷିଥିଲେ । ସେ କଟାକ୍ଷ୍ୟ କରି କହି ଥିଲେ।
ରାଜ୍ୟରେ ବିଜେଡି ସରକାର କିଛି କରିନାହିଁ ଯେଉଁ ୨ଟଙ୍କିଆ ଚାଉଳ ଦେଉଛନ୍ତି ତାହା ମନମୋହନ ସିଂ ପ୍ରଧାନମନ୍ତ୍ରୀ ଥିଲା ବେଳେ କଂଗ୍ରେସ ସରକାର କରିଥିଲା । ଭଣ୍ଡାରିପୋଖରୀ ଓ ବନ୍ତ ଯେଉଁ ଡାକ୍ତରଖାନା କରାଯାଇଛି ଏବଂ ଚାଷ ଜମିକୁ ଚାଷ କରିବା ଯେଉଁ କେନାଲ ଦ୍ୱାରା ଜଳସେଚିତ କରାଯାଇଛି ମୁଁ କଂଗ୍ରେସ ସରକାରରେ ମନ୍ତ୍ରୀଥିବା ବେଳେ କରିଥିଲି ବୋଲି ଦାବି କରିଥିଲେ ନିରଞ୍ଜନ ପଟ୍ଟନାୟକ । ଆଗାମୀ ୨୦୨୪ ସାଧାରଣ ନିର୍ବାଚନରେ ବହୁସଂଖ୍ୟାରେ ଭୋଟତାଙ୍କୁ ଭୋଟ ଦେବାକୁ ନିବେଦନ କରିଥିଲେ ନିରଞ୍ଜନ ପଟ୍ଟନାୟକ । ଆଗାମୀ ଦିନରେ ଭଣ୍ଡାରିପୋଖରୀରେ ଯେଉଁ କାମ ଠିକ ଭାବରେ ହୋଇନାହି ତାହା ନିଶ୍ଚୟ କରି ଦେଖାଇବେ ବୋଲି କହିଛନ୍ତି ।