ନୀତୀଶ-ଉଦ୍ଧବ ଏକାଠି ପ୍ରେସମିଟ: ସିନ୍ଦେ ଛାଡ଼ନ୍ତୁ ସିଏମ ପଦ

ମହାରାଷ୍ଟ୍ର(ବଡ଼ ଖବର ବ୍ୟୁରୋ): ୨୦୨୪ ସାଧାରଣ ନିର୍ବାଚନରେ ବିଜେପି ବିରୋଧରେ ବିରୋଧୀ ଦଳଙ୍କୁ ଏକଜୁଟ କରୁଛନ୍ତି ବିହାର ମୁଖ୍ୟମନ୍ତ୍ରୀ ତଥା ଜେଡିୟୁ ନେତା ନୀତୀଶ କୁମାର । ଓଡ଼ିଶାରେ ବିଜେଡି ମୁଖ୍ୟଙ୍କୁ ଭେଟିବା ପରେ ମହାରାଷ୍ଟ୍ର ଯାଇ ଉଦ୍ଧବ ଠାକରେ ଙ୍କ ସହ ଆଲୋଚନା କରିଛନ୍ତି । ଉଭୟଙ୍କ ଆଲୋଚନା ପରେ ନୀତୀଶ କୁମାର କହିଛନ୍ତି, ବିରୋଧୀ ଦଳ ଗୁଡିକୁ ଏକଜୁଟ କରିବାରେ ସେ ଉଦ୍ୟମ ଆରମ୍ଭ କରିଛନ୍ତି । ପ୍ରଧାନମନ୍ତ୍ରୀ ପ୍ରାର୍ଥୀ ଯିଏ ବି ହୁଅନ୍ତୁ ନା କାହିଁକି ମୋଦିଙ୍କ ବିରୋଧରେ ଏକଜୁଟ ହୋଇ ଲଢେଇ ଜରୁରୀ ହୋଇ ପଡ଼ିଛି । ସେହପରି ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧାବ ଠାକରେ, ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଓ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କୁ ଟାର୍ଗେଟ କରିଛନ୍ତି । କୋର୍ଟଙ୍କ ମନ୍ତବ୍ୟ ପରେ ସେ ଫ୍ଲୋର ଟେଷ୍ଟକୁ ନଯାଇ ନୈତିକତା ଦୃଷ୍ଟିରୁ ଯେଉଁଭଳି ଇସ୍ତଫା ଦେଇଥିଲେ ଏବେ ମୁଖ୍ୟମନ୍ତ୍ରୀ ଓ ଉପମୁଖ୍ୟମନ୍ତ୍ରୀ ଇସ୍ତଫା ଦେବାର ସମୟ ଆସିଛି କୋର୍ଟଙ୍କ ମନ୍ତବ୍ୟ ପରେ ତୁରନ୍ତ ସେମାନେ ଇସ୍ତଫା ଦିଅନ୍ତୁ ବୋଲି ଉଦ୍ଧବ କହିଛନ୍ତି । ନୀତିଶଙ୍କ ସହ ବୈଠକ ବେଳେ ବିହାର ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ଉଦ୍ଧବଙ୍କ ପୁଅ ଆଦିତ୍ୟ ଠାକରେ ଓ ତାଙ୍କ ଗୋଷ୍ଠୀର ବରିଷ୍ଠ ନେତା ସଞ୍ଜୟ ରାଉତ ଉପସ୍ଥିତ ଥିଲେ ।