ସ୍ୱର୍ଣ୍ଣମନ୍ଦିର ନିକଟରେ ବିସ୍ଫୋରଣ , ଆସିଲା ବିସ୍ଫୋରଣକାରୀଙ୍କ ପ୍ରଥମ ଫୁଟେଜ
ପଞ୍ଜାବ (ବଡ଼ ଖବର ବ୍ୟୁରୋ): ପଞ୍ଜାବ ଅମୃତସର ସ୍ୱର୍ଣ୍ଣମନ୍ଦିର ନିକଟରେ ବିସ୍ଫୋରଣ ଘଟଣା । ସାମ୍ନାକୁ ଆସିଲା ବିସ୍ଫୋରଣକାରୀଙ୍କ ପ୍ରଥମ ଭିଡିଓ । ଏମାନେ ପୋଲିସଙ୍କ ଠାରୁ ଖସିବା ପାଇଁ ଚେଷ୍ଟା କରୁଥିଲେ । ଅମୃତସରର ସ୍ୱର୍ଣ୍ଣମନ୍ଦିର ନିକଟରେ ଗୁରୁବାର ସକାଳେ ବିସ୍ଫୋରଣ ଶଦ୍ଦ ଶୁଣିବାକୁ ମିଳିଥିଲା । ସକାଳ ପ୍ରାୟ ୧୨.୩୦ରେ ଏହି ଶବ୍ଦ ଶୁଣିବାକୁ ମିଳିଥିଲା । ଏହି ଘଟଣାରେ ୫ ଜଣଙ୍କୁ ଗିରଫ କରାଯାଇଛି । କାହାର ମୃତ୍ୟୁ ହୋଇନାହିଁ ।
ଏଥିସହିତ ସିସିଟିଭି ଫୁଟେଜରୁ ଦୁଇଜଣ ସନ୍ଦିଗ୍ଧଙ୍କୁ ଚିହ୍ନଟ କରାଯାଇଛି । ଯେଉଁଥିରେ ସେମାନେ ଏକ ବାରଣ୍ଡାରେ ଗୁପ୍ତ ଭାବରେ ଆସୁଥିବା ଏବଂ ଯାଉଥିବାର ଦୃଶ୍ୟ ଦେଖିବାକୁ ମିଳିଥିବାବେଳେ ତାଙ୍କର ଫଟୋ ମଧ୍ୟ ସାମ୍ନାକୁ ଆସିଛି। ବିସ୍ଫୋରଣ ପରେ ଦୁହେଁ ଅତି ଚତୁରତାର ସହ ଭିତରର ବାରଣ୍ଡାରେ ଶୋଇବାକୁ ଯାଇଥିଲେ। ପଞ୍ଜାବ
ସେପଟେ ପୋଲିସ କମିଶନର ନୈନିହାଲ ସିଂ ସାମ୍ବାଦିକ ସମ୍ମିଳନୀ କରି କହିଛନ୍ତି ଯେ, ଏହି ଘଟଣା ସହିତ ସମ୍ପୃକ୍ତ ଥିବା ୫ଜଣଙ୍କୁ ଗିରଫ କରାଯାଇଛି। ଗିରଫ ଅଭିଯୁକ୍ତମାନେ ପଞ୍ଜାବର ବାସିନ୍ଦା। ସେମାନେ ଲୋକାଲ ଟେରର୍ ନେଟଓ୍ବର୍କ ସହ ଜଡିତ ଅଛନ୍ତି। ସେମାନଙ୍କର ଉଦ୍ଦେଶ୍ୟ ଶାନ୍ତଶୃଙ୍ଖଳା ନଷ୍ଟ କରିବା। ଘଟଣାସ୍ଥଳକୁ ପୋଲିସ୍ ସିଲ କରିଛି ଏବଂ ସେଠାକୁ ଫରେନସିକ୍ ଟିମ୍କୁ ପଠାଯାଇଛି।