ପାଞ୍ଚ ମିନିଟରେ ଏମିତି କ’ଣ ହେଲା?: ପ୍ରହ୍ଲାଦ ଯୋଶୀ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଲୋକସଭାରେ ମୋଦି ସରକାରଙ୍କ ବିରୋଧରେ ଅନାସ୍ଥା ପ୍ରସ୍ତାବ ଉପରେ ଆଲୋଚନା ଆରମ୍ଭ ହୋଇଛି। କଂଗ୍ରେସ ସାଂସଦ ଗୌରବ ଗୋଗୋଇଙ୍କ ତରଫରୁ ଲୋକସଭାରେ ଅନାସ୍ଥା ପ୍ରସ୍ତାବ ଉପରେ ଆଲୋଚନା ଆରମ୍ଭ ହୋଇଛି। ପୂର୍ବରୁ ଆଲୋଚନା ହେଉଥିଲା ଯେ ରାହୁଲ ଗାନ୍ଧି ସଦସ୍ୟତା ପଦ ଫେରି ପାଇବା ପରେ ଅନାସ୍ଥା ପ୍ରସ୍ତାବ ଉପସ୍ଥାପନ କରିପାରନ୍ତି । କିନ୍ତୁ ତାହା ହୋଇପାରିଲା ନାହିଁ। ଯାହାକୁ ନେଇ କେନ୍ଦ୍ରମନ୍ତ୍ରୀ ପ୍ରହ୍ଲାଦ ଯୋଶୀ ରାହୁଲଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି ରାହୁଲ ଗାନ୍ଧି ଅନାସ୍ଥା ପ୍ରସ୍ତାବ ଉପରେ ବିତର୍କ ଆରମ୍ଭ କରିନାହାନ୍ତି? କେତେବେଳେ ରାହୁଲ ଭାଷଣ ଦେବେ । ଆମେ ତାଙ୍କ ଭାଷଣ ଶୁଣିବା ପାଇଁ ଉତ୍ସାହର ସହ ଅପେକ୍ଷା କରିଛୁ ।

ସେ ଆହୁରି ମଧ୍ୟ କହିଛନ୍ତି ଯେତେବେଳେ ବାଚସ୍ପତି ଓମ ବିର୍ଲା କଂଗ୍ରେସ ସାଂସଦ ଗୌରବ ଗୋଗୋଇଙ୍କ ତରଫରୁ ଲୋକସଭାରେ ଅନାସ୍ଥା ପ୍ରସ୍ତାବ ଉପରେ ଆଲୋଚନା ଆରମ୍ଭ ପାଇଁ କହିଥିଲେ । ସେତେବେଳେ କେନ୍ଦ୍ର ମନ୍ତ୍ରୀ ତଥା ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ ତାଙ୍କୁ ଅଟକାଇ କହିଥିଲେ ଯେ ଆମେ ଜାଣିବାକୁ ପାଇଥିଲୁ ଲୋକସଭାରେ ସକାଳ ୧୧ ଟା୫୫ ରେ ଏକ ଚିଠି ଆସିଥିଲା । ଯେଉଁଥିରେ କୁହାଯାଇଥିଲା ଯେ ରାହୁଲ ଗାନ୍ଧୀ ଗୋଗୋଇଙ୍କ ସ୍ଥାନରେ କହିବେ। ପାଞ୍ଚ ମିନିଟରେ ଏମିତି କ’ଣ ହେଲା? କ’ଣ ଅସୁବିଧା ହେଲ ।