Masthead

କେନ୍ଦ୍ରରୁ ମିଳୁନି ଗ୍ରୀନ ସିଗ୍ନାଲ, ରାଜଭବନ ଯାଇଛି ପ୍ରୋପୋଜାଲ

ଭୁବନେଶ୍ୱର(ବଡ଼ ଖବର ବ୍ୟୁରୋ):କେନ୍ଦ୍ରରୁ ମିଳୁନି ଗ୍ରୀନ ସିଗ୍ନାଲ । ଏପଟେ କିନ୍ତୁ ରାଜଭବନ ଯାଇଛି ପ୍ରୋପୋଜାଲ । ଆଗୁଆ ନିର୍ବାଚନ ପାଇଁ ଅଂଟା ଭିଡିଛି ବିଜେଡି ସରକାର । କିନ୍ତୁ ଦରକାର କେନ୍ଦ୍ରର ସହଯୋଗ । ସେପଟେ ହାତରେ ଅଉ ସମୟ ନାହିଁ । ଡିସେମ୍ବରରେ ବିଧାନସଭା ଭୋଟ୍ ହେବାକୁ ଥିବା ୫ ରାଜ୍ୟ ପାଇଁ ତାରିଖ ଘୋଷଣା ଅକ୍ଟୋବର ପ୍ରଥମ ସପ୍ତାହରେ ହେବ । ଓଡ଼ିଶାରେ ଯଦି ସେହି ସମୟରେ ନିର୍ବାଚନ ହେବ, ସେଥିଲାଗି ଅନ୍ତତଃ ସେପ୍ଟେମ୍ବର ୨୦ ମଧ୍ୟରେ ବିଧାନସଭା ଭଙ୍ଗ ହେବା ଦରକାର।

ସରକାର ସେ ଦିଗରେ ଚିନ୍ତା କରି ସେହି ହିସାବରେ ବିଧାନସଭା ଅଧିବେଶନ ଡାକିବା ଏପିରିକି ଅତିରିକ୍ତ ବଜେଟ ଉପସ୍ଥାପନ ପାଇଁ ବି ପ୍ରସ୍ତୁତି ସାରିଦେଇଥିଲେ । ସେଥିପାଇଁ ନୂଆ ବାଚସ୍ପତିଙ୍କ ବଦଳରେ ଉପବାଚସ୍ପତି କାମ ଚଳାଇନେବେ ବୋଲି ବି ଯୋଜନା ହୋଇଥିଲା ବୋଲି ଜାଣିବାକୁ ମିଳିଥିଲା । ତେବେ ସବୁ ଅଟକାଇଦେଇଛି କେନ୍ଦ୍ର । ଏଯାଏଁ କେନ୍ଦ୍ର ସରକାର ବିଶେଷକରି ଅମିତ ଶାହା ବିଜେଡି ଯୋଜନାରେ ସହମତ ହୋଇନାହାନ୍ତି । କାରଣ ଏଥିପାଇଁ ରାଜ୍ୟ ବିଜେପି ନେତା ଅମଙ୍ଗ ହେଉଛନ୍ତି ବୋଲି ଖବର ମିଳିଛି । ତଥାପି କିନ୍ତୁ ଉଦ୍ୟମ ଜାରି ରଖିଛନ୍ତି ରାଜ୍ୟ ସରକାର ।

ଏବେ ଯାହା ନୂଆ ଖବର ସାମ୍ନାକୁ ଆସୁଛି, ଆଗୁଆ ନିର୍ବାଚନ ସଂପର୍କରେ ସଂପାଦିତ ହେବାକୁ ଥିବା ପ୍ରକ୍ରିୟା ସଂପର୍କରେ ରାଜଭବନଠାରୁ ପରାମର୍ଶ ଚାହିଁଛନ୍ତି ସରକାର । ବିଶେଷକରି, ୨୦୦୪ରେ ଯେବେ ଆଗୁଆ ବିଧାନସଭା ଭଂଗ ହେଲା ସେ ସମୟରେ ସଂପାଦିତ ପ୍ରକ୍ରିୟା ବିଷୟରେ ଅବଗତ ହେବାକୁ ଚାହିଁଛନ୍ତି ସରକାର । ତେବେ ଏ ସଂକ୍ରାନ୍ତରେ ସରକାର କିମ୍ବା ରାଜଭବନ ପକ୍ଷରୁ କୌଣସି ସୂଚନା ଜାରି କରାଯାଇନାହିଁ ।

ଆଗକୁ ପଢନ୍ତୁ
ବ୍ରେକିଙ୍ଗ୍ ନ୍ୟୁଜ୍
🔴 ୫ ଜିଲ୍ଲାକୁ ପ୍ରବଳ ବର୍ଷା ଆଲର୍ଟ 🔴 ସୌମ୍ୟାଶ୍ରୀ ମୃତ୍ୟୁ ମାମଲା, ବିଜେଡି ପକ୍ଷରୁ ବାଲେଶ୍ବର ଜିଲ୍ଲା ବନ୍ଦ ଡାକରା 🔴 କଟିବ ହିତାଧିକାରିଙ୍କ ରାସନ କାର୍ଡ 🔴 ସୁଧୁରିବାରେ ଲାଗିଛି ଭାରତ-ଚୀନ ସମ୍ପର୍କ 🔴 ଗଣତନ୍ତ୍ରର ସବୁଠାରୁ ବଡ଼ ମନ୍ଦିରରେ AI 🔴 ମହାକାଶରୁ ଫେରିଲେ ଶୁଭ୍ରାଂଶୁ ଶୁକ୍ଳା 🔴 ସୌମ୍ୟାଶ୍ରୀ ବିଶିଙ୍କ ମୃତ୍ୟୁ, ପରିବାରକୁ ୨୦ ଲକ୍ଷର ସହାୟତା ଘୋଷଣା 🔴 ୧୭ ତାରିଖରେ ଓଡ଼ିଶା ବନ୍ଦ ଡାକରା 🔴 ଜୀବନ ଯୁଦ୍ଧରେ ହାରିଗଲେ ସୌମ୍ୟାଶ୍ରୀ 🔴 ପରିବା ମାର୍କେଟରେ ଲାଗିଲା ନିଆଁ 🔴 ୫ ଜିଲ୍ଲାକୁ ପ୍ରବଳ ବର୍ଷା ଆଲର୍ଟ 🔴 ସୌମ୍ୟାଶ୍ରୀ ମୃତ୍ୟୁ ମାମଲା, ବିଜେଡି ପକ୍ଷରୁ ବାଲେଶ୍ବର ଜିଲ୍ଲା ବନ୍ଦ ଡାକରା 🔴 କଟିବ ହିତାଧିକାରିଙ୍କ ରାସନ କାର୍ଡ 🔴 ସୁଧୁରିବାରେ ଲାଗିଛି ଭାରତ-ଚୀନ ସମ୍ପର୍କ 🔴 ଗଣତନ୍ତ୍ରର ସବୁଠାରୁ ବଡ଼ ମନ୍ଦିରରେ AI 🔴 ମହାକାଶରୁ ଫେରିଲେ ଶୁଭ୍ରାଂଶୁ ଶୁକ୍ଳା 🔴 ସୌମ୍ୟାଶ୍ରୀ ବିଶିଙ୍କ ମୃତ୍ୟୁ, ପରିବାରକୁ ୨୦ ଲକ୍ଷର ସହାୟତା ଘୋଷଣା 🔴 ୧୭ ତାରିଖରେ ଓଡ଼ିଶା ବନ୍ଦ ଡାକରା 🔴 ଜୀବନ ଯୁଦ୍ଧରେ ହାରିଗଲେ ସୌମ୍ୟାଶ୍ରୀ 🔴 ପରିବା ମାର୍କେଟରେ ଲାଗିଲା ନିଆଁ