ଧାରା ଶ୍ରାବଣରେ ବର୍ଷା ଫେରାର

ଭୁବନେଶ୍ୱର(ବଡ଼ ଖବର ବ୍ୟୁରୋ): ଧାରା ଶ୍ରାବଣରେ ବର୍ଷା ଗାଏବ । ମରୁଡି ମୁହାଁ ରାଜ୍ୟର ଅନେକ ଜିଲ୍ଲା । ବର୍ଷା ଅଭାବରୁ ଏବେ ମରୁଡିର ଆଶଙ୍କା ରହିଛି । ବର୍ଷା ଅଭାବରୁ ଚାଷ କାମ ଆଗେଇପାରୁନି । ପାଣିପାଗ ବିଭାଗର ସୂଚନା ଅନୁସାରେ ୫ ରୁ ୬ ଦିନ ଯାଏଁ ରାଜ୍ୟରେ ମୌସୁମୀ ଦୁର୍ବଳ ରହିବ । ଜୁନ ପହିଲାରୁ ଏଯାଏଁ ୨୮% କମ୍ ବର୍ଷା ହୋଇଛି ।

୨୦ ଜିଲ୍ଲାରେ ସ୍ଥିତି ସଙ୍ଗିନ ରହିଛି । ଅଗଷ୍ଟରେ ୭୫% ନିଆଣ୍ଟିଆ ବର୍ଷା ହେଲାଣି । ୧୧୫.୪ମିଲିମିଟର ବର୍ଷା ହେବା କଥା ମାତ୍ର ୨୮.୫ମିମି ବର୍ଷା ହୋଇଛି । ଅଗଷ୍ଟ ପହିଲାରୁ ଆଜି ପର୍ଯ୍ୟନ୍ତ ଝାରସୁଗୁଡାରେ ମାତ୍ର ୬ ମିମି ବର୍ଷା ହୋଇଛି । ୯୫ ପ୍ରତିଶତ ନିଅଣ୍ଟିଆ ବର୍ଷା ହୋଇଛି ଝାରସୁଗୁଡାରେ ।