Masthead

ଅସହଯୋଗକୁ ଅସହଯୋଗ !

ଭୁବନେଶ୍ଵର: ଗତକାଲି ସାରା ଦେଶ ପାଳନ କରିଛି ମହାତ୍ମା ଗାନ୍ଧିଙ୍କ ଜୟନ୍ତୀ । ବାପୁଙ୍କ ସ୍ମୃତିକୁ ସମସ୍ତେ ମନେ ପକାଇଛନ୍ତି । ହେଲେ ଆପଣ ଜାଣି ଆଶ୍ଚର୍ଯ୍ୟ ହେବେ ଚଳିତ ବର୍ଷ ମାତ୍ର ମାସେ ତଳେ ଦେଶର ସ୍ୱାଧୀନତା ସଂଗ୍ରାମ ସଂପର୍କିତ ଏକ ପ୍ରମୁଖ ଦିବସର ଶତବାର୍ଷିକୀ ଯାଇଛି । ଅଥଚ ସମସ୍ତେ ଯେମିତି ତାହାକୁ ଭୁଲିଯାଇଛନ୍ତି । ଆମେ କହୁଛୁ, ଅସହଯୋଗ ଆନ୍ଦୋଳନ କଥା । ଆମେ ସମସ୍ତେ ଜାଣିଛୁ, ମହାତ୍ମା ଗାନ୍ଧିଙ୍କୁ ସ୍ୱାଧୀନତା ଆନ୍ଦୋଳନରେ ସବୁଠୁ ବଡ଼ ଗ୍ରହଣୀୟତା ଯଦି କେଉଁ ଆନ୍ଦୋଳନ ଦେଇଥିଲା, ତାହା ହେଉଛି ଅସହଯୋଗ ଆନ୍ଦୋଳନ । ପୂର୍ଣ୍ଣ ସ୍ୱରାଜ ଲକ୍ଷ୍ୟରେ ଭାରତବର୍ଷ ନୂଆ ଉଦ୍ଦୀପନାର ସହ ସ୍ୱାଧୀନତା ଆନ୍ଦୋଳନରେ ଝାସ ଦେଲା । ଭାରତର ସ୍ୱାଧୀନତା ସଂଗ୍ରାମରେ ଏହା ଥିଲା ଅତ୍ୟନ୍ତ ମହତ୍ୱପୂର୍ଣ୍ଣ କ୍ଷଣ । ଏହି ଐତିହାସିକ ଆନ୍ଦୋଳନ ଆରମ୍ଭ ହୋଇଥିଲା ୫ ସେପ୍ଟେମ୍ବର ୧୯୨୦ରେ । ଅର୍ଥାତ ଗତ ସେପ୍ଟେମ୍ବର ୫ ଥିଲା ଅସହଯୋଗ ଆନ୍ଦୋଳନର ଶହେ ବର୍ଷ ପୂର୍ତ୍ତି । ହେଲେ ଯେମିତି ସମସ୍ତେ ଏହାକୁ ଭୁଲି ଯାଇଥିଲେ । ସରକାରୀସ୍ତରରେ କାର୍ଯ୍ୟକ୍ରମ ତ ଦୂରର କଥା, କାହାରି ଗୋଟିଏ ଟ୍ୱିଟ୍ ବି ଦେଖିବାକୁ ମିଳିଲା ନାହିଁ । ଖାଲି ସରକାର କାହିଁକି, ଗାନ୍ଧି ନାଁକୁ ନେଇ ସବୁବେଳେ ରାଜନୀତି ଫାଇଦା ନେଉଥିବା କଂଗ୍ରେସ ନେତା ବି ଏତେବଡ଼ ଦିନ କଥା ଯେମିତି ଭୁଲି ଯାଇଥିଲେ । ଲାଗିଲା ଯେମିତି ଅସହଯୋଗକୁ ସମସ୍ତେ ଅସହଯୋଗ କରିବା ଅବସ୍ଥାରେ ଥିଲେ । ତେବେ ଆମେ ଆଶା କରିବୁ ଅନ୍ତତଃ ଆଗକୁ ସେହି ସଂଗ୍ରାମୀମାନଙ୍କୁ ଦେଶ କେବେ ବି ଭୁଲି ନ ଯାଉ, ଯେଉଁମାନଙ୍କ ପାଇଁ ଆମେ ସ୍ୱାଧୀନତାର ସ୍ୱାଦ ଚାଖିଛେ । ଦେଶର ପ୍ରତିଟି ସ୍ୱାଧୀନତା ସଂଗ୍ରାମୀଙ୍କୁ ‘ବଡ଼ ଖବର’ର ବିନମ୍ର ଶ୍ରଦ୍ଧାଞ୍ଜଳି ।

ଆଗକୁ ପଢନ୍ତୁ
ବ୍ରେକିଙ୍ଗ୍ ନ୍ୟୁଜ୍
🔴 ଗୋଷ୍ଠୀସଙ୍ଘର୍ଷ, ୭ ଆହତ 🔴 ବିଜାପୁରରେ ପୁଣି ମାଓ ହିଂସା 🔴 ବିଭିନ୍ନ ସ୍ଥାନରେ ହାଲୁକା ବର୍ଷା ସମ୍ଭାବନା 🔴 ଇସ୍ରାଏଲ ଓ ଇରାନ ଯୁଦ୍ଧରେ ଆମେରିକାର ଏଣ୍ଟ୍ରି 🔴 ମୁଖ୍ୟମନ୍ତ୍ରୀଙ୍କ ରଥଯାତ୍ରା ପ୍ରସ୍ତୁତି ସମୀକ୍ଷା 🔴 ଗୋପାଳପୁର ଗଣଦୁଷ୍କର୍ମ, କଂଗ୍ରେସର ଉଦବେଗ 🔴 ଏକ ବର୍ଷର ରିପୋର୍ଟ କାର୍ଡକୁ ତାଛଲ୍ୟ କଲେ ପୂର୍ବତନ ପିସିସି ସଭାପତି 🔴 ଉଛୁଳିଲା ନଈ, ବୁଡ଼ିଲା ଗାଁ 🔴 ୩ ଦିନ କାଁ ଭାଁ ଘଡ଼ଘଡ଼ି ସହ ବର୍ଷା 🔴 ସୁସ୍ଥ ଜୀବନ ପାଇଁ ଦରକାର ଯୋଗ 🔴 ଗୋଷ୍ଠୀସଙ୍ଘର୍ଷ, ୭ ଆହତ 🔴 ବିଜାପୁରରେ ପୁଣି ମାଓ ହିଂସା 🔴 ବିଭିନ୍ନ ସ୍ଥାନରେ ହାଲୁକା ବର୍ଷା ସମ୍ଭାବନା 🔴 ଇସ୍ରାଏଲ ଓ ଇରାନ ଯୁଦ୍ଧରେ ଆମେରିକାର ଏଣ୍ଟ୍ରି 🔴 ମୁଖ୍ୟମନ୍ତ୍ରୀଙ୍କ ରଥଯାତ୍ରା ପ୍ରସ୍ତୁତି ସମୀକ୍ଷା 🔴 ଗୋପାଳପୁର ଗଣଦୁଷ୍କର୍ମ, କଂଗ୍ରେସର ଉଦବେଗ 🔴 ଏକ ବର୍ଷର ରିପୋର୍ଟ କାର୍ଡକୁ ତାଛଲ୍ୟ କଲେ ପୂର୍ବତନ ପିସିସି ସଭାପତି 🔴 ଉଛୁଳିଲା ନଈ, ବୁଡ଼ିଲା ଗାଁ 🔴 ୩ ଦିନ କାଁ ଭାଁ ଘଡ଼ଘଡ଼ି ସହ ବର୍ଷା 🔴 ସୁସ୍ଥ ଜୀବନ ପାଇଁ ଦରକାର ଯୋଗ