ଭୁବନେଶ୍ବର (ବଡ଼ ଖବର ବ୍ୟୁରୋ): ୨୦୧୨ ଜାନୁୟାରୀ ୧୪ ଓ ୨୦୧୫ ଏପ୍ରିଲ ୧୮ରେ କରମଣ୍ଡଳରେ ଘଟିଥିଲା ଦୁର୍ଘଟଣା । ବଗିରେ ଲାଗିଥିଲା ରିପୋର୍ଟ । କ୍ଷୟକ୍ଷତି ତ ହୋଇଥିବ! ଉାତ୍ର ରେଳବାଇ ବିଭାଗ ସଫେଇ ଦେଇଥିଲା କିଛି ହୋଇନାହିଁ । କ୍ଷତିଗ୍ରସ୍ତ ଯାତ୍ରୀ, ବିପନ୍ନ ଯାତ୍ରୀ ନିରବ ରହିବାକୁ ବାଧ୍ୟ ହୋଇଥିଲେ । ୨୦୧୨ ଡିସେମ୍ବର ୩୦ ।
ବ୍ରହ୍ମପୁର ଷ୍ଟେସନ ଛାଡିଥିଲା କରମଣ୍ଡଳ । ୧୩୦ କିଲୋମିଟର ବେଗରେ ଉଡିଆସୁଥିଲା କରମଣ୍ଡଳ । ପାର ହେଲା ଛତ୍ରପୁର । ହୁମ୍ମା । ରମ୍ଭା ଷ୍ଟେସନ୍ ଆସିବା ପୂର୍ବରୁ ରେଳଧାରଣା ପାର ହେଉଥିବା ୬ହାତୀଙ୍କୁ ଦେଇଥିଲା ଧକ୍କା । କରମଣ୍ଡଳ ଧକ୍କାରେ ଗୋଟି ଗୋଟି ହୋଇ ୬ହାତୀଙ୍କ ଜୀବନ ଯାଇଥିଲା ।
ରେଳଧାରଣା ଓ ରେଳଧାରଣା ବାହାରେ ପଡିଥିଲା ହାତୀଙ୍କ ମୃତଦେହ । ଏହି ଘଟଣା ବିଜୁଳିବେଗରେ ବ୍ୟାପୀଗଲା । ଆଗକୁ ଆସିଲା ବନ ବିଭାଗ । ରେଳବାଇ ଓ ବନ ବିଭାଗ ହେଲେ ମୁହାଁମୁହିଁ । ହାତୀ କରିଡରରେ କରମଣ୍ଡଳ ମନ୍ଥରଗତିରେ ଚାଲିବ ବୋଲି ସ୍ଥିର ହୋଇଛି ।
