ଚିନ୍ତା ବଢାଉଛି ଟୋକନ

ସୁବର୍ଣ୍ଣପୁର(ବଡ଼ ଖବର ବ୍ୟୁରୋ): ନଭେମ୍ବର ୨୦ ତାରିଖରୁ ସୁବର୍ଣ୍ଣପୁର ଜିଲ୍ଲାରେ ଆରମ୍ଭ ହୋଇଛି ଧାନକିଣା । କିନ୍ତୁ ଟୋକନ ବ୍ୟବସ୍ଥା ପାଇଁ ଚିନ୍ତାରେ ପଡିଛନ୍ତି ଚାଷୀ । ଚାଷୀ ଧାନ ନେଇ ମଣ୍ଡିରେ ପହଞ୍ଚିବା ବେଳକୁ ଦେଖାଦେଇଥିଲା ଟୋକନର ଅବ୍ୟବସ୍ଥା । କାହାର ଟୋକନ ତାରିଖ ମାସ ମାସ ପରେ ଅଛି ତ କାହାର ଭେରିଫିକେଶନ ବାହାନାରେ ଆସି ପାରିନି ଟୋକନ । ଯାହାକୁ ନେଇ ଚାଷୀ ଅସୁବିଧାର ସମ୍ମୁଖୀନ ହୋଇଛନ୍ତି । ଧାନ ବିକି ନିଜର ପରିବାର ପ୍ରତିପୋଷଣ କରିଥାନ୍ତି ଚାଷୀମାନେ । କିନ୍ତୁ ଏବେ ଋଣ ପରିଷୋଧ ଓ ପରିବାର ପ୍ରତିପୋଷଣକୁ ନେଇ ଚିନ୍ତାରେ ପଡିଛନ୍ତି । ଏହାକୁ ନେଇ ଦେଖାଦେଇଛି ଚାଷୀ ଅସନ୍ତୋଷ ।