ବିଜେଡି ସମର୍ଥିତ ସରପଞ୍ଚଙ୍କ ଦବଙ୍ଗଗିରି

ଚାନ୍ଦବାଲି (ବଡ଼ ଖବର ବ୍ୟୁରୋ): ଚାନ୍ଦବାଲି ବ୍ଲକ ଖେରଙ୍ଗ ପଞ୍ଚାୟତରେ ଶନିବାର ରାତିରେ ଘଟିଯାଇଛି ରାଜନୈତିକ ହିଂସା । ଖେରଙ୍ଗ ବୁଥ ନିକଟରେ ଖେରଙ୍ଗ ସରପଞ୍ଚଙ୍କ ଜିତେନ୍ଦ୍ର ବିଶ୍ୱାଳଙ୍କ ଖଣ୍ଡା ଚୋଟରେ ବିଜେପି କର୍ମୀ ଟିକମ ମାଝୀ ଗୁରୁତର । ଆକ୍ରମଣ ପରେ ବୁଥ ନିକଟରୁ ରକ୍ତ ଜୁଡୁବୁଡୁ ଅବସ୍ଥାରେ ସ୍ଥାନୀୟ ଲୋକ ଉଦ୍ଧାର କରିଥିଲେ । ପ୍ରଥମେ ତିହିଡି ମେଡିକାଲ ପରେ କଟକ ମେଡିକାଲ ସ୍ଥାନାନ୍ତର କରାଯାଇଛି ।

ଏନେଇ ରବିବାର ଦିନ ଟିକମ ମାଝୀଙ୍କ ବଡ଼ ଭାଇ କାଳନ୍ଦୀ ମାଝୀ ଚାନ୍ଦବାଲି ପୋଲିସ ଷ୍ଟେସନରେ ସରପଞ୍ଚ ଜିତେନ୍ଦ୍ର ବିଶ୍ୱାଳଙ୍କ ସମେତ ୨୧ଜଣଙ୍କ ନାମରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗ ପାଇବା ପରେ ଚାନ୍ଦବାଲି ପୋଲିସ ପକ୍ଷରୁ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରାଯାଇଛି । ଏହି ଘଟଣାରେ ଯଦି ପୋଲିସ ସମ୍ପୃକ୍ତ ଦୋଷୀଙ୍କୁ ୨୪ଘଣ୍ଟା ଭିତରେ ଗିରଫ ନକରେ ତେବେ ବିଜେପି ପକ୍ଷରୁ ଆନ୍ଦୋଳନ କରାଯିବ ବୋଲି ଚେତାବନୀ ଦେଇଛନ୍ତି ଜିଲା କୃଷକ ମୋର୍ଚ୍ଚା ସଭାପତି ଅଶୋକ ରାଉଳ ଓ ବରିଷ୍ଠ ନେତା କାହ୍ନୁ ଚରଣ ବେହେରା ।