ନିରବ ପ୍ରଶାସନ

ନୂଆଗାଁ, ( ବଡ଼ ଖବର ବ୍ୟୁରୋ): ଗାଁ ଗାଁରେ ଦେଶୀ ମଦର ବନ୍ୟା । ଭୁଶୁଡ଼ି ପଡ଼ିଲାଣି ଆଇନ ଶୃଙ୍ଖଳା । ସବୁ ଜାଣି ମଧ୍ୟ ପୋଲିସ ଓ ଅବକାରୀ ବିଭାଗ ନିରବ। ସବୁ ଦେଖୀ ନଦେଖିଲା ପରି ଚୁପ। ଯାହା ଫଳରେ ଗାଁ ଗଣ୍ଡାରେ ଘରେ ଘରେ ଦେଶୀ ମଦ ପ୍ରସ୍ତୁତ ହୋଇ ବାହାରକୁ ହେଉଛି ଚାଲାଣ । ନୟାଗଡ଼ ଜିଲ୍ଲା ନୂଆଗାଁ ବ୍ଲକରେ ଦେଖିବାକୁ ମିଳିଛି ଏଭଳି ଦୃଶ୍ୟ ।

ଦେଶୀମଦ ଆଣିବା ପାଇଁ ଦିନ ଦ୍ୱିପ୍ରହରରେ ଆଦିବାସୀ ଅଞ୍ଚଳକୁ ଲୋକଙ୍କ ସୁଅ ଛୁଟୁଛି । ରାତି ଅଧରେ ବାହାରକୁ ଚାଲାଣ ହେଉଛି ଶହ ଶହ ଲିଟର ଦେଶୀମଦ । ଏ ସବୁ ଖବର ପୋଲିସ ଓ ଅବକାରୀ ବିଭାଗ ପାଖରେ ଥିଲେ ମଧ୍ୟ ମାସିକିଆ ମୋଟା ଅଙ୍କର ଚାନ୍ଦା ତଦନ୍ତର ଦିଗ ବଦଳାଇ ଦେଉଛି। କିଛି ହାତଗଣତି ଗଣମାଧ୍ୟମ ପ୍ରତିନିଧିଙ୍କୁ ଢ଼ାଲ କରି ବେପାର ଚାଲୁଛି । ହାତଗୁଞ୍ଜା ପାଇବା ପରେ ଖବରକୁ ମଧ୍ୟ ଚପାଇ ଦିଆଯାଉଥିବା ସାଧାରଣରେ ଚର୍ଚ୍ଚା ହେଉଛି ।

ଶୁକ୍ରବାର ରାତି ଅଧରେ ଅଟୋ ଯୋଗେ ୨୦୦ ଲିଟର ଦେଶୀ ମଦ ବାହାରକୁ ଚାଲାଣ ହେଉଥିବା ବେଳେ ଧରା ପଡିଛି । ବାହାଡ଼ାଝୋଲା ବନପାଳ ସରିତା ବରାଳ ଅଭିଯୁକ୍ତଙ୍କୁ ଧରିଛନ୍ତି। ରାତିରେ ପାଟ୍ରୋଲିଂ କରୁଥିବା ସମୟରେ କାପ୍ତାପଲି ପଞ୍ଚାୟତ ବାମୁରୀ ଗ୍ରାମରୁ ହଳଦିଆ ରଙ୍ଗର ଅଟୋ ଆସୁଥିବା ବେଳେ ସନ୍ଦେହରେ ଅଟକାଇ ତନଖି କରିବାରେ ସେଥିରେ ଦେଶୀ ମହୁଲି ଲୋଡ଼ ଥିବା ଜଣାପଡିଥିଲା । ଅଟୋ ସହ ୨୦୦ ଲିଟର ଦେଶୀମଦ ଜବତ କରିବା ସହ ୩ଜଣଙ୍କୁ ଗିରଫ କରାଯାଇଛି ।

ଆଗକୁ ପଢନ୍ତୁ
ବ୍ରେକିଙ୍ଗ୍ ନ୍ୟୁଜ୍
🔴 କାଲି ବିଧାନସଭା, ଆଜି ବସିଲା ସର୍ବଦଳୀୟ ବୈଠକ 🔴 ଭୁବନେଶ୍ୱରରେ ବିଗିଡିଲା ବାୟୁର ମାନ 🔴 ଦିଲ୍ଲୀରେ ବିଷାକ୍ତ ହେଲା ବାୟୁ 🔴 ଭୂକମ୍ପରେ ଥରିଲା ଜାପାନ 🔴 ଭୂକମ୍ପରେ ଥରିଲା ଜାପାନ 🔴 ଦୀପାବଳୀ ପରେ ବଢିବ ଶୀତ 🔴 ବାତ୍ୟା ଓ ବନ୍ୟାରେ ପ୍ରଭାବିତ ଗଞ୍ଜାମ ଲୋକଙ୍କ ପାଇଁ ସହାୟତା ଲୋଡ଼ିଲେ ଜିଲ୍ଲାପାଳ 🔴 ଦୁର୍ନୀତି ବିରୋଧରେ କଠୋର ହେଲେ ରାଜସ୍ଵ ଓ ବିପର୍ଯ୍ୟୟ ପରିଚାଳନା ବିଭାଗର ଏସିଏସ 🔴 ୪୬ ଦିନ ପରେ ଖୋଲିଲା କଳିଙ୍ଗା ଘାଟି 🔴 ଦୀପାବଳି ପାଳିବେନି ମୁଖ୍ୟମନ୍ତ୍ରୀ 🔴 କାଲି ବିଧାନସଭା, ଆଜି ବସିଲା ସର୍ବଦଳୀୟ ବୈଠକ 🔴 ଭୁବନେଶ୍ୱରରେ ବିଗିଡିଲା ବାୟୁର ମାନ 🔴 ଦିଲ୍ଲୀରେ ବିଷାକ୍ତ ହେଲା ବାୟୁ 🔴 ଭୂକମ୍ପରେ ଥରିଲା ଜାପାନ 🔴 ଭୂକମ୍ପରେ ଥରିଲା ଜାପାନ 🔴 ଦୀପାବଳୀ ପରେ ବଢିବ ଶୀତ 🔴 ବାତ୍ୟା ଓ ବନ୍ୟାରେ ପ୍ରଭାବିତ ଗଞ୍ଜାମ ଲୋକଙ୍କ ପାଇଁ ସହାୟତା ଲୋଡ଼ିଲେ ଜିଲ୍ଲାପାଳ 🔴 ଦୁର୍ନୀତି ବିରୋଧରେ କଠୋର ହେଲେ ରାଜସ୍ଵ ଓ ବିପର୍ଯ୍ୟୟ ପରିଚାଳନା ବିଭାଗର ଏସିଏସ 🔴 ୪୬ ଦିନ ପରେ ଖୋଲିଲା କଳିଙ୍ଗା ଘାଟି 🔴 ଦୀପାବଳି ପାଳିବେନି ମୁଖ୍ୟମନ୍ତ୍ରୀ