ବିଜେପିରେ ସାମିଲ ହେଲେ ଓମାର ଅବଦୁଲ୍ଲାଙ୍କ ପୂର୍ବତନ ଉପଦେଷ୍ଟା
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଜାମ୍ମୁ-କାଶ୍ମୀରରେ କିଛି ଦିନ ମଧ୍ୟରେ ଅନେକ ମୃତ୍ୟୁ ଘଟଣା ସାମ୍ନାକୁ ଆସିଛି । କେତେବେଳେ ସ୍କୁଲ ଭିତରକୁ ପ୍ରବେଶ କରି ଶିକ୍ଷକଙ୍କୁ ହତ୍ୟା କରାଯାଉଛି ତ ଆଉ କେତେବେଳେ କାଶ୍ମୀରି ପଣ୍ଡିତଙ୍କୁ ହତ୍ୟା କରାଯାଉଛି । ଏହା ମଧ୍ୟରେ କାଶ୍ମୀରରେ ବିଜେପିର ଦବଦବା ବଢିବାରେ ଲାଗିଛି । ନେସନାଲ କନଫରେନ୍ସ ପାର୍ଟିରୁ ଜାମ୍ମୁ ସଭାପତି ଦେବେନ୍ଦ୍ର ସିଂହ ରାଣା ବିଜେପିରେ ଯୋଗଦେଇଛନ୍ତି । ଏହା ପୂର୍ବରୁ ଦେବେନ୍ଦ୍ର ରାଣା ନେସନାଲ କନଫରେନ୍ସ ଦଳର ସଭାପତି ତଥା ପୂର୍ବତନ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲାଙ୍କ ଉପଦେଷ୍ଟା ଭାବେ କାର୍ଯ୍ୟ କରିସାରିଛନ୍ତି ।
ତିନି ତିନି ଥରର ବିଧାୟକ ଦେବେନ୍ଦ୍ର ସିଂହ ରାଣା ନେସନାଲ କନଫରେନ୍ସ ପାର୍ଟିର ପ୍ରମୁଖ ଚେହେରା ଥିଲେ । ଗତ ୨୦୧୪ରେ ଜାମ୍ମୁ ବିଧାନସଭା ନିର୍ବାଚନରେ ବିଜେପି କ୍ଲିନ୍ ସ୍ବିପ୍ କରିଥିଲେ ସୁଦ୍ଧା ଏନ୍ସି ଦଳ ପକ୍ଷରୁ ପ୍ରାର୍ଥୀ ହୋଇ ନାଗ୍ରୋଟାରୁ ସେ ବିଜୟୀ ହୋଇଥିଲେ । ନେସନାଲ କନଫରେନ୍ସ ଦଳର ଭୋଟ ବ୍ୟାଙ୍କ୍ ବଢାଇବାରେ ତାଙ୍କର ଗୁରୁତ୍ବପୂର୍ଣ୍ଣ ଭୂମିକା ରହିଥିଲା । ଏହା ବ୍ୟତିତ ହିନ୍ଦୁ ଜନସଂଖ୍ୟା ବହୁଳ ଜାମ୍ମୁରେ ତାଙ୍କର ଦବଦବା ରହିଛି ।
