ରାମ ନବମୀରେ ଖାଁ ଖାଁ ପୂଜା ମଣ୍ଡପ

ଅସ୍ତରଙ୍ଗ (ବଡ଼ ଖବର ବ୍ୟୁରୋ): ଆଜି ଚୈତ୍ର ମାସ ଶୁକ୍ଳ ନବମୀ । ଆଜି ଦିନକୁ ସବୁଠି ରାମ ନବମୀ ରୂପେ ପାଳନ କରାଯାଏ। ଏହି ଦିନରେ ପ୍ରଭୁ ଶ୍ରୀ ରାମଚନ୍ଦ୍ର ଜନ୍ମ ଗ୍ରହଣ କରିଥିଲେ । ତେଣୁ ଏହି ଦିନକୁ ରାମଚନ୍ଦ୍ରଙ୍କ ଜନ୍ମଦିନ ରୂପେ ପାଳନ କରାଯାଏ । ରାମ ନବମୀ ଉପଲକ୍ଷେ ୯ ଦିନ ବ୍ୟାପି ଭଜନ କୀର୍ତ୍ତନ ଓ ଅଖଣ୍ଡ ନାମ ପାଠ କରାଯାଏ ।

ତାପରେ ରାମଚରିତ ମାନସ ପାଠ କରାଯାଏ । କିନ୍ତୁ କରୋନା ପାଇଁ ଏଥର ଫିକା ପଡିଛି ରାମନବମୀ । ଯାହା ଵିଧି ରକ୍ଷା ନିମନ୍ତେ ପାଳନ କରାଯାଉଛି । ବୁଧବାର ଅସ୍ତରଙ୍ଗ ବ୍ଲକ ରଘୁନାଥପୁର ରାମ ମନ୍ଦିରରେ ବିନା ଭକ୍ତରେ ପ୍ରଭୁଙ୍କ ରୀତିନୀତି ପାଳନ ହେଉଛି । କରୋନା ସଂକ୍ରମଣକୁ ଦୃଷ୍ଟିରେ ରଖି ବିନା ଭକ୍ତରେ ଚାଲିଛି ନୀତିକାନ୍ତି ।