ପ୍ରଧାନ ଶିକ୍ଷକଙ୍କ ନିର୍ଦ୍ଦେଶରେ ସ୍କୁଲରେ ତାଲା, ହଟହଟା ହେଲେ ଛାତ୍ରଛାତ୍ରୀ ଓ ଶିକ୍ଷକ

କଟକ(ବଡ଼ ଖବର ବ୍ୟୁରୋ): କଟକ କେବିକେ ରୋଡରେ ଥିବା ଶ୍ରୀ ସତ୍ୟସାଇ ସ୍କୁଲରେ ତାଲା । ଅଭିଭାବକ, ଶିକ୍ଷକ ଏବଂ କୁନି କୁନି ଛାତ୍ର ଛାତ୍ରୀମାନେ ହେଲେ ହଟହଟା । ପ୍ରଧାନ ଶିକ୍ଷକଙ୍କ ନିର୍ଦ୍ଦେଶ କ୍ରମେ ସ୍କୁଲରେ ତାଲା ପକାଇଥିବା ନେଇ ଅଭିଯୋଗ କରିଛନ୍ତି ଶିକ୍ଷକ ଶିକ୍ଷୟତ୍ରୀ ।

ତେବେ ଶ୍ରୀ ସତ୍ୟସାଇ ସ୍କୁଲରେ ୬୦୦ ରୁ ୭୦୦ ଛାତ୍ର ଛାତ୍ରୀ ପାଠ ପଢୁଥିବା ବେଳେ ତାଙ୍କ ଭବିଷ୍ୟତ ସହ ଖେଳା ଯାଉଛି ବୋଲି ଅସନ୍ତୋଷ ପ୍ରକାଶ କରିଛନ୍ତି ଅଭିଭାବକ । ଏ ନେଇ ଦୀର୍ଘଦିନ ହେବ ଶିକ୍ଷକ ମାନେ ତାଙ୍କ ଦରମା ବୃଦ୍ଧି ଦାବି କରି ଆସୁଥିଲେ ସୁଦ୍ଧା ସ୍କୁଲ ମ୍ୟାନେମେଣ୍ଟ ଏ ଦିଗରେ କୌଣସି କର୍ଣ୍ଣପାତ କରୁନାହିଁ । ଅନ୍ୟପଟେ ଏହି ଘଟଣା ଉପରେ ପ୍ରଧାନ ଶିକ୍ଷକଙ୍କର କୌଣସି ପ୍ରତିକ୍ରିୟା ମିଳିପାରିନାହିଁ ।