(ବଡ଼ ଖବର ବ୍ୟୁରୋ): ମଣିଷ ଇତିହାସ ସୃଷ୍ଟି କରେ ତାର କଷ୍ଟ, ଆବେଗ, ଦାରିଦ୍ରକୁ ପଛରେ ପକାଇ ରକ୍ତ ଓ ଝାଳ ବୁହାଇ । ଜୋତା କିଣିବାକୁ ଯିଏ ଦିନେ ଟଙ୍କା ପାଉନଥିଲେ, ସେ ଖେଳିବାକୁ ଯାଉଛନ୍ତି ଟୋକିଓ ଅଲମ୍ପିକ୍ସ । ଏହା ହେଉଛି ଆମ ଦେଶର ଝିଅ ରେବତୀ ବିରାମଣୀଙ୍କ କଥା । ତାଙ୍କ ପାଇଁ ଏହି ଯାତ୍ରା ସହଜ ନଥିଲା । ଘରେ ଥିଲା ଦାରିଦ୍ର । ହେଲେ ହାର ମାନିନଥିଲେ ରେବତୀ ବିରାମଣୀ ।
ତାଙ୍କୁ ୭ ବର୍ଷ ହୋଇଥିଲା ବେଳେ ତାଙ୍କ ପିତାଙ୍କ ଦେହାନ୍ତ ହୋଇଥିଲା । ୧ ବର୍ଷ ପରେ ତାଙ୍କ ମା’ଙ୍କର ମଧ୍ୟ ଦେହାନ୍ତ ହୋଇଥିଲା । ସେ ପିଲାଦିନରୁ ଜେଜେମାଙ୍କ ପାଖରେ ରହି ବଡ଼ ହୋଇଛନ୍ତି । ଜେଜେମା ମୂଲ ଲାଗି ତାଙ୍କୁ ପାଠ ପଢ଼ାଇବା ସହିତ ବଡ଼ କରିଥିଲେ । ଏତେ ଦରିଦ୍ର ଅବସ୍ଥା ଥିଲା ଯେ, ତାଙ୍କ ପାଖରେ ଜୋତା କିଣିବାକୁ ଟଙ୍କା ନଥିଲା ।
ସେ ଖାଲି ପାଦରେ ଦୌଡୁଥିଲେ । ବହୁ ବର୍ଷ ସଂଘର୍ଷ କରିବା ପରେ ସେ ଦକ୍ଷିଣ ରେଳବାଇରେ ଚାକିରି ପାଇଲେ । ସେ ୪ଶହ ମିଟର ଦୌଡକୁ ୫୩.୫୫ ସେକେଣ୍ଡରେ ସମାପ୍ତ କରିଥିଲେ । ଏବେ ସେ ଦ୍ରୁତତମ ୪୦୦ ମିଟର ରିଲେ ଟୋକିଓ ଅଲମ୍ପିକ୍ସ ପାଇଁ ମନୋନୀତ ହୋଇଛନ୍ତି ।
