ପିକଅପ୍ ଓଲଟି ଜଣେ ମୃତ, ୨୯ ଗୁରୁତର

ବାରିପଦା (ବଡ଼ ଖବର ବ୍ୟୁରୋ): ପିକଅପ୍ ଓଲଟି ଜଣେ ମୃତ, ୨୯ ଗୁରୁତର । ମୟୂରଭଞ୍ଜ ଶୁଳିଆପଦା ଥାନା ବାଲିଶୁଳିଆ ଗାଁରେ ଦୁର୍ଘଟଣା । ଭାରସାମ୍ୟ ହରାଇ ଓଲଟିଲା ପିକଅପ୍ । ଗୁରୁତରଙ୍କୁ ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ସ୍ଥାନାନ୍ତର । ବାରିପଦା ମେଡିକାଲରେ ଜଣେ ମହିଳାଙ୍କ ମୃତୁ୍ୟ ହୋିଥିବା ସୂଚନା । ପିକଅପରେ ସମସ୍ତେ ଶ୍ରମିକ ଥିଲେ । ସମସ୍ତ ଶ୍ରମିକ ରାସଗୋବିନ୍ଦପୁର ବ୍ଲକ କମାରଡିହା ଓ ଖୁଣ୍ଟା ଅଞ୍ଚଳର ବୋଲି ଜଣାପଡିଛି।

ପିକଅପରେ ଶାଳପତ୍ର ତୋଳିବା ପାଇଁ ଶୁଳିଆପଦା ବ୍ଲକ ଚାଉଳଧୁଆଣି ଗ୍ରାମ ଜଙ୍ଗଲକୁ ଆସିଥିଲେ । ଘରକୁ ଫେରିବା ସମୟରେ ଭାରସାମ୍ୟ ହରାଇ ପିକଅପ ଓଲଟି ପଡ଼ିଲା । ଫଳରେ ପିକଅପ ତଳେ ଚାପି ହୋଇଯାଇଥିଲେ ୨୯ଜଣ । ସ୍ଥାନୀୟ ଲୋକେ ଉଦ୍ଧାର କରି ଶୁଳିଆପଦା ପୋଲିସ, ଦମକଳ ବାହିନୀ ଓ ଆମ୍ବୁଲାନ୍ସକୁ ଖବର ଦେଇଥିଲେ। ଯେଉଁମାନେ ଗୁରୁତ୍ତର ଥିଲେ ତାଙ୍କୁ କଷ୍ଠା ସ୍ୱାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିତ୍ସା କରି ବାରିପଦା ପଣ୍ତିତ ରଘୁନାଥ ମୂର୍ମୂ ମେଡିକାଲ କଲେଜକୁ ସ୍ଥାନାନ୍ତରିତ କରାଯାଇଛି। ବାରିପଦା ମେଡ଼ିକାଲରେ ଜଣେ ମହିଳାଙ୍କ ଚିକିତ୍ସା ସମୟରେ ମୃତ୍ୟୁ ହୋଇଛି।