ପାକିସ୍ତାନ ଉପରେ ଭାରତର ୱାଟର ଷ୍ଟ୍ରାଇକ୍‌

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପାକିସ୍ତାନ ବିରୋଧରେ ଭାରତର ଗୋଟିଏ ପରେ ଗୋଟିଏ ପଦକ୍ଷେପ । ସିନ୍ଧୁ ପରେ ଶୁଖିଗଲା ଚେନାବ ନଦୀ । ଡ୍ୟାମ ଗେଟ୍ ବନ୍ଦ କରିଛି ଭାରତ । ପହଲଗା ଆକ୍ରମଣର ପ୍ରତିଶୋଧ ନେଉଛି ଭାରତ । ଚେନାବ ନଦୀରେ ଥିବା ସାଲମା ଡ୍ୟାମର ସବୁ ଗେଟ୍ ବନ୍ଦ । ରୈସି ଜିଲ୍ଲାରେ ଶୁଖିଲା ପଡିଛି ନଦୀ । ଜମ୍ମୁ କାଶ୍ମୀର ରାମବନ ଅଞ୍ଚଳରେ ଥିବା ବାଗ୍ଲିହର ଡ୍ୟାମର ସବୁ ଗେଟ୍‌ ବନ୍ଦ କଲା ଭାରତ ।

ଡ୍ୟାମ ବନ୍ଦ ହେବା ପରେ ପାକିସ୍ତାନକୁ ଯାଇଥିବା ଚେନାବ ନଦୀ ଶୁଖିଲା ପଡିଛି । ସିନ୍ଧୁ ନଦୀ ଜଳ ଚୁକ୍ତି ବାତିଲ ଏହାର ଅଂଶ ବୋଲି କୁହାଯାଉଛି । ବାଗ୍ଲିହର ଡ୍ୟାମ ଦ୍ବାରା ଭାରତ-ପାକିସ୍ତାନ ମଧ୍ୟରେ ଜଳ ପ୍ରବାହ ହୋଇଥାଏ । ଜଳସ୍ତର କମିବା ପରେ ପାକିସ୍ତାନର ଚାଷ ପ୍ରଭାବିତ ହେବାର ଆଶଙ୍କା ରହିଛି । କେବଳ ବାଗ୍ଲିହର ନୁହେଁ ଆଗାମୀ ଦିନରେ ଭାରତ ଝେଲମ ନଦୀର କ୍ରିଷ୍ଣାଗଙ୍ଗା ଡ୍ୟାମ ମଧ୍ୟ ବନ୍ଦ କରିବାକୁ ଯୋଜନା କରିଛି ।