ରାସ୍ତା ଉପରେ ଅନଲାଇନ କ୍ଲାସ
ସମ୍ବଲପୁର (ବଡ଼ ଖବର ବ୍ୟୁରୋ): କରୋନା ପାଇଁ ସମସ୍ତ ଶିକ୍ଷାନୁଷ୍ଠାନ ବନ୍ଦ ହୋଇଯାଇଛି । ଛାତ୍ରଛାତ୍ରୀମାନେ ଅନଲାଇନରେ ପାଠପଢିବାକୁ ନିର୍ଦ୍ଦେଶ ଦିଆଯାଇଛି । କିନ୍ତୁ ଅନଲାଇନ ପାଠପଢାର ବିକଳ ଚିତ୍ର ଦେଖିବାକୁ ମିଳୁଛି ସମ୍ବଲପୁରରେ । ସମ୍ବଲପୁର ଜିଲ୍ଲା ନାକଟିଦେଉଳ ବ୍ଲକର ଚଡଚଡି ଗାଁ ।
ଦେବଗଡ,ଅନୁଗୋଳ,ସମ୍ବଲପୁର ଜିଲ୍ଲାର ସୀମାରେ ଅବସ୍ଥିତ ଚଡଚଡି ଗ୍ରାମରେ କୌଣସି ମୋବାଇଲ କମ୍ପାନୀର ନେଟୱାର୍କ ଠିକରେ ଲାଗୁନାହିଁ । ଗ୍ରାମର ଛାତ୍ରଛାତ୍ରୀମାନେ ଅନଲାଇନ କ୍ଲାସ କରିବାରେ ବହୁତ ଅସୁବିଧାର ସମ୍ମୁଖୀନ ହେଉଛନ୍ତି । ବହୁ ଗରୀବ ଛାତ୍ରଛାତ୍ରୀଙ୍କ ନିକଟରେ ସ୍ମାର୍ଟ ଫୋନ ନ ଥିବା ବେଳେ ଆବଶ୍ୟକ ଭିତ୍ତିଭୂମିର ଅଭାବ ରହିଛି । ପିଲାମାନେ ଗାଁ ଠାରୁ ୨ କି.ମି,ଜଙ୍ଗଲ ରାସ୍ତାରେ ଚାଲିଚାଲି ଯାଇ ରାସ୍ତା ଉପରେ ବସି ପାଠ ପଢୁଛନ୍ତି । ଜୀବନକୁ ବାଜି ଲଗାଇ ପିଲାମାନେ ଜଙ୍ଗଲ ରାସ୍ତାରେ ପଢିବାକୁ ବାଧ୍ୟ ହେଉଛନ୍ତି ।
