ନେତାଙ୍କୁ କରୋନା
ଭୁବନେଶ୍ୱର (ବଡ଼ ଖବର ବ୍ୟୁରୋ): ରାଜ୍ୟରେ ଦିନକୁ ଦିନ ବେକାବୁ ହେବାରେ ଲାଗିଛି କରୋନା । ଦ୍ରୁତଗତିରେ କରୋନାର ଦ୍ୱିତୀୟ ଲହଲ ବ୍ୟାପିବାରେ ଲାଗିଛି । ସଂକ୍ରମଣରୁ ବାଦ ପଡ଼ି ନାହାନ୍ତି ରାଜନେତା । ପ୍ରତିଦିନ ରାଜ୍ୟର ରାଜନେତାମାନେ ଆକ୍ରାନ୍ତ ହୋଉଥିବାର ଖବର ସାମ୍ନାକୁ ଆସୁଛି । ସୋମବାର ବିରୋଧୀଦଳ ନେତା ପ୍ରଦୀପ୍ତ ନାଏକ କରୋନା ପିଜେଟିଭ ଚିହ୍ନଟ ହୋଇଥିଲେ । ବୁଧବାର ଆଉ ଜଣେ ନେତା କରୋନା ପଜିଟିଭ ଚିହ୍ନଟ ହୋଇଥିବା ଜଣାପଡିଛି । ପୂର୍ବତନ ବିରୋଧୀଦଳ ନେତା ତଥା ବଲାଙ୍ଗୀର ବିଧାୟକ ନରସିଂହ ମିଶ୍ର ପଜିଟିଭ ଚିହ୍ନଟ ହୋଇଛନ୍ତି ।
Tested positive for COVID-19 today. Anyone in close contact in the past few days please get tested.
— Narasingha Mishra (@NarasinghMishra) April 21, 2021
ଏନେଇ ସେ ଟ୍ୱିଟ କରି ସୂଚନା ଦେଇଛନ୍ତି ।ସେପଟେ ନରସିଂହ ପଜିଟିଭ ଚିହ୍ନଟ ହେବା ପରେ ତାଙ୍କର ଆସୁ ଆରୋଗ୍ୟ କାମନା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଟ୍ୱିଟ କରି ମୁଖ୍ୟମନ୍ତ୍ରୀ ଲେଖିଛନ୍ତି କି ବରିଷ୍ଠ କଂଗ୍ରେସ ନେତା ତଥା ବଲାଙ୍ଗୀର ବିଧାୟକ ନରସିଂହ ମିଶ୍ର କୋଭିଡ ସଂକ୍ରମିତ ହୋଇଥିବାରୁ ମୁଁ ଚିନ୍ତିତ । ତାଙ୍କର ଆଶୁ ଆରୋଗ୍ୟ କାମନା କରୁଛି ।
ଅନ୍ୟପଟେ ରାଜ୍ୟରେ ଏବେ ସଂକ୍ରମଣ ପିକ ପଏଣ୍ଟରେ ରହିଛି । ଗତ ୨୪ ଘଣ୍ଟାରେ ୬୧୬୪ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ସର୍ବାଧିକ ଖୋର୍ଦ୍ଧା ଜିଲ୍ଲାରୁ ୧୧୩୨ ସଂକ୍ରମିତ ଚିହ୍ନଟ ହୋଇଥିବା ବେଳେ ନୂଆପଡ଼ାରୁ ୪୫୯, କଳାହାଣ୍ଡିରୁ ୪୫୨ ଓ ସୁନ୍ଦରଗଡ ଜିଲ୍ଲାରୁ୪୨୭ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ରାଜ୍ୟରୁ ଆଜି ଆଉ ୭ ମୁଣ୍ଡ ନେଇଛି ମହାମାରୀ । ଏହାକୁ ମିଶାଇ ରାଜ୍ୟରେ ମୋଟ ମୃତ୍ୟୁ ସଂଖ୍ୟା ୧୯୬୫ରେ ପଂହଁଚିଛି ।