ପାକିସ୍ତାନର ୯ ବିମାନ ନଷ୍ଟ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଅପରେସନ ସିନ୍ଦୂର ଭାଙ୍ଗିଲା ପାକିସ୍ତାନର ମେରୁଦଣ୍ଡ । ଭାରତୀୟ ସେନାର ଆକ୍ରମଣରେ ପାକସ୍ତାନ ଥରହର । ଭାରତୀୟ ବୀରଙ୍କ ପ୍ରଚଣ୍ଡ ଆକ୍ରମଣରେ ଆତଙ୍କୀ ଦେଶ ଛାରଖାର ହୋଇଯାଇଛି । ଭାରତର ଆକ୍ରମଣରେ ପାକିସ୍ତାନର ୯ଟି ଯୁଦ୍ଧ ବିମାନ ନଷ୍ଟ ହୋଇଛି । ମେ ୭’ ତାରିଖରେ ଅପରେସନ ସିନ୍ଦୂରରେ ଭାରତୀୟ ସେନା ପାକସ୍ତାନର ବାୟୁସେନା ଘାଟି ଉପରେ ପ୍ରବଳ ଆକ୍ରମଣ କରିଥିଲା ।
ରାଫେଲ ଓ ସୁଖୋଇ ୩୦ ଏମକେଆଇ ବିମାନରୁ ଭାରତ କରିଥିଲା ବ୍ରହ୍ମୋସ ମିସାଇଲର ବ୍ୟବହାର । ଫଳରେ ପାକିସ୍ତାନର ଗୋଟିଏ ସି-୧୩୦ ଜେ ଟ୍ରାନ୍ସପୋର୍ଟ ବିମାନ ଧ୍ୱଂସ ହୋଇଛି । ଏହାସହ ଗୋଟିଏ ଜେଏଫ୍-୧୭ ଫାଇଟର ଜେଟ ଓ ଦୁଇଟି ଏଫ-୧୬ ବିମାନ ନଷ୍ଟ ହୋଇଛି । ଖାଲି ସେତିକି ନୁହେଁ ପାକିସ୍ତାନର ନୂର ଖାନ, ସରଗୋଧା, ଭୋଲାରୀ ଭଳି ପ୍ରମୁଖ ବାୟୁସେନା ଘାଟିରେ ଥିବା ରାଡାରକୁ ନଷ୍ଟ କରିଛି ଭାରତୀୟ ସେନା ।
