୧୦ କୋଟିରୁ ଊର୍ଦ୍ଧ୍ୱ ଟଙ୍କାର ଅଫିମ ଚାଷ ନଷ୍ଟ କଲା ବନ ବିଭାଗ
ବାରିପଦା (ବଡ଼ ଖବର ବ୍ୟୁରୋ): ଶିମିଳିପାଳରେ ୧୦ କୋଟିର ଅଫିମ ଚାଷ ନଷ୍ଟ କଲା ପୋଲିସ । ଶିମିଳିପାଳ ଅଭୟାରଣ୍ୟର କୋର ଏରିଆ ବକୁଆ ଓ କୁକୁରଭୁକା ଗାଁରେ ବ୍ୟାପକ ପରିମାଣର ଅଫିମ ଚାଷ ହୋଇଥିଲା । ଖବର ପାଇ ବନ ବିଭାଗ, ଅବକାରୀ ବିଭାଗ ଓ ପୁଲିସ ଟିମ ମିଳିତ ଭାବେ ଚଢ଼ଉ କରିଥିଲେ। ଯଶିପୁର ପୋଲିସ ଘଟଣା ସ୍ଥଳରେ ପହଞ୍ଚି ୫ ଲକ୍ଷ ୨୫ ହଜାରରୁ ଅଧିକ ଅଫିମ ଗଛକୁ ନଷ୍ଟ କରିଛି। ପ୍ରଥମ ଥର ଏତେ ପରିମାଣର ଅଫିମ ଗଛ ଦେଖି ତାଜୁବ ହୋଇଯାଇଥିଲା ପୋଲିସ ।
Related Posts
ଏହି ଅଫିମ ଗଛଗୁଡ଼ିକର ଆନୁମାନିକ ମୂଲ୍ୟ ପାଖାପାଖି ୧୦ କୋଟିରୁ ଉର୍ଦ୍ଧ ହେବ ବୋଲି ପୋଲିସ ପକ୍ଷରୁ ସୂଚନା। ଗତ ୨୪ତାରିଖରେ ମଧ୍ୟ ଶିମିଳିପାଳ ଅଂଚଳରେ ବ୍ୟାପକ ଅଫିମ ଚାଷକୁ ନଷ୍ଟ କରିଥିଲା ପୋଲିସ । ତେବେ ଶିମିଳିପାଳ ଅଭୟାରଣ୍ୟ ଭିତରେ ଏହି ଅଫିମ ଚାଷ କିଏ କରୁଥିଲା ଓ ଏହି ଅଫିମ ଚାଷ ପଛରେ କାହାର ହାତ ଅଛି ତାର ତଦନ୍ତ କରୁଛି ପୋଲୁିସ ।