ଉନ୍ନୟନ ମୂଳକ କାର୍ଯ୍ୟକୁ ବିରୋଧ କରି ଗ୍ରାମବାସୀଙ୍କ ଆକ୍ରୋଶର ଶିକାର ହେଲେ ସାମାଜିକ କର୍ମୀ

ଚାନ୍ଦବାଲି (ବଡ଼ ଖବର ବ୍ୟୁରୋ): ଗ୍ରାମପଞ୍ଚାୟତର ଉନ୍ନତି ମୂଳକ କାର୍ଯ୍ୟକୁ ବିରୋଧ । ଗ୍ରାମବାସୀଙ୍କ ଆକ୍ରୋଶର ଶିକାର ହେଲେ ସାମାଜିକ କର୍ମୀ । ରାଜ୍ୟ ଓ କେନ୍ଦ୍ର ସରକାର ଗାଁର ବିକାଶ ପାଇଁ ବିଭିନ୍ନ ଉନ୍ନତି ମୂଳକ କାମ ଯୋଗାଇ ଦେଉଥିବା ବେଳେ କିଛି ସ୍ୱାର୍ଥବାଦି କୁଜିନେତା ଏହାକୁ ବିରୋଧ କରୁଥିବା ଅଭିଯୋଗ ହୋଇଛି। ଏମିତି ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ବଜରାପୁର ପଞ୍ଚାୟତ ବଜରାପୁର ଗାଁରେ ।

ସୂଚନା ମୁତାବକ ବଜରାପୁର ଗ୍ରାମ ତାରିଣୀ ସାହିରେ ଦୀର୍ଘଦିନ ହେବ ରାସ୍ତା ଅବସ୍ଥା ଖରାପ ଥିବାରୁ ନୂତନ ପକ୍କାରାସ୍ତା ପାଇଁ ଗ୍ରାମବାସୀ ବିଡ଼ିଓଙ୍କୁ ଅଭିଯୋଗ କରିଥିଲେ । ସେହି ଅଭିଯୋଗ ମୁତାବକ ନୂତନ ପକ୍କାରାସ୍ତା ନିର୍ମାଣ ଚାଲିଥିଲା । ସେହି ସମୟରେ ପ୍ରଦୀପ କର ନାମକ ଯୁବକ ରାସ୍ତା ନିର୍ମାଣ ନିମ୍ନମାନର ଦର୍ଶାଇ ଏହାକୁ ବିରୋଧ କରୁଥିଲେ । ଏ ନେଇ ଗ୍ରାମବାସୀ ଏବଂ ପ୍ରଦିପ କରଙ୍କ ମଧ୍ୟରେ ବଚସା ହୋଇଥିଲା । ବଜରାପୁର ସରପଞ୍ଚଙ୍କ ପ୍ରତିନିଧି ରାହୁଲ ସାହୁ ଘଟଣା ସ୍ଥଳରେ ପହଞ୍ଚି ପ୍ରଦିପ କରଙ୍କୁ ବୁଝାସୁଝା କରିବା ପରେ ଘଟଣାସ୍ଥଳ ଶାନ୍ତ ପଡିଥିଲା।