ଦୁର୍ଦ୍ଦାନ୍ତ ଅପରାଧୀକୁ କୋର୍ଟ ଚାଲାଣ

ମାହାଙ୍ଗା, (ବଡ଼ ଖବର ବ୍ୟୁରୋ): ଭଦ୍ରଶ୍ୱର ଫାଣ୍ଡି ଅଞ୍ଚଳରେ ବହୁ ଚର୍ଚ୍ଚିତ ରଞ୍ଜନ ମଲ୍ଲିକ ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ଜ୍ୟୋତି ପ୍ରକାଶ(ଜେପି) କୁ ଆଜି କୋର୍ଟ ଚାଲାଣ କରିଛି ମାହାଙ୍ଗା ପୋଲିସ । ଗତ ସେପ୍ଟେମ୍ବର ୬ ତାରିଖ ରାତିରେ ସୌମ୍ୟରଞ୍ଜନ ଓ ଜ୍ୟୋତିପ୍ରକାଶ ଖମାର ବେଳରପା ଗାଁର ରଞ୍ଜନ ମଲ୍ଲିକଙ୍କୁ ମରଣାତ୍ମକ ଆକ୍ରମଣ କରି ରାସ୍ତା କଡରେ ଫିଙ୍ଗିଦେଇଥିଲେ । ଉକ୍ତ ଘଟଣାରେ ପୋଲିସ ସୌମ୍ୟରଂଜନଙ୍କୁ ଗିରଫ କରିଥିଲେ ମଧ୍ୟ ଜେପି ଫେରାର ଥିଲା । ଦୀର୍ଘଦିନ ଧରି ପୋଲିସ ଆଖିରେ ଧୂଳିଦେଇ ବୁଲୁଥିବା ଜେପିଙ୍କୁ ଗିରଫ କରାଯାଇଛି । ଜେପିଙ୍କୁ ଗିରଫ କରିବା ପରେ ଆଜି କୋର୍ଟ ଚାଲାଣ କରାଯାଇଛି ।