Before Header

ଓପିଏସସି ୨୦୨୦ ପାଇଁ ପ୍ରକାଶ ପାଇଲା ବିଜ୍ଞପ୍ତି

0 75

ଭୂବନେଶ୍ୱର (ବଡ଼ ଖବର ବ୍ୟୁରୋ): ପ୍ରକାଶ ପାଇଲା ଓଡ଼ିଶା ସିଭିଲ ସର୍ଭିସ ୨୦୨୦ ପାଇଁ ବିଜ୍ଞପ୍ତି । ମୋଟ ୩୯୨ଟି ପଦବି ପାଇଁ ଫେବୃଆରୀ ୧୨ ତାରିଖରୁ ୧୮ ତାରିଖ ଭିତରେ ଆବେଦନ କରିପାରିବେ ଆଶାୟୀ । ଏନେଇ ଓପିଏସସି ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ଏଥିମଧ୍ୟରୁ ୧୨୮ଟି ପଦବି ମହିଳାଙ୍କ ପାଇଁ ସଂରକ୍ଷିତ ରହିଛି । ବାଲେଶ୍ୱର, କଟକ, ବ୍ରହ୍ମପୁର, ଭୂବନେଶ୍ୱର ଓ ସମ୍ବଲପୁରରେ ପରୀକ୍ଷା କେନ୍ଦ୍ର କରାଯିବାର ବ୍ୟବସ୍ଥା କରାଯାଇଛି ।

ଆବେଦନକାରୀଙ୍କ ବୟସ ୨୧ରୁ ୩୨ ବର୍ଷ ଭିତରେ ହୋଇଥିବା ଆବଶ୍ୟକ । ପରୀକ୍ଷାର୍ଥୀ ଯେ କୌଣସି ବିଷୟରେ ସ୍ନାତକ ହାସଲ କରିଥିବା ଆବଶ୍ୟକ । ଆବେଦନ ପାଇଁ ଦେୟ ୫୦୦ଟଙ୍କା ଧାର୍ଯ୍ୟ କରାଯାଇଥିବା ବେଳେ ଅନୁସୁଚିତ ଜାତି,ଜନଜାତି ଓ ୪୦ ପ୍ରତିଶତରୁ ଅଧିକ ଭିନ୍ନକ୍ଷମଙ୍କ ପାଇଁ ଦେୟମୁକ୍ତ କରାଯାଇଛି । ଜଣେ ପ୍ରାର୍ଥୀ ସର୍ବାଧିକ ୪ଥର ପରୀକ୍ଷା ଦେଇପାରିବେ । ତେବେ ଅନୁସୁଚିତ ଜାତି, ଜନଜାତିଙ୍କ ପାଇଁ କିଛି ଏଥିରେ କଟକଣା ନାହିଁ ।

ଏହି ପରୀକ୍ଷାରେ କୃତକାର୍ଯ୍ୟହେଲେ ଓଡ଼ିଶା ପ୍ରଶାସନିକ ସେବା, ଓଡ଼ିଶା ଅର୍ଥନୀତିକ ସେବା, ଓଡ଼ିଶା ପୁଲିସ ସେବା, ଓଡ଼ିଶା କୋପରେଟିଭ୍ ସେବା, ଓଡ଼ିଶା ରାଜସ୍ୱ ସେବା, ଓଡ଼ିଶା ଟ୍ୟାକ୍ସେସନ୍ ଏବଂ ଆକାଉଣ୍ଟସ୍ ସର୍ଭିସେସରେ ଖାଲି ଥିବା ପଦ ପଦବୀରେ ନିଯୁକ୍ତ ହେବେ ।

Leave A Reply

Your email address will not be published.