ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପାକିସ୍ତାନର ଅର୍ଥନୈତିକ ସଙ୍କଟ ସ୍ୱାସ୍ଥ୍ୟସେବା ଉପରେ ବେଶି ପ୍ରଭାବ ପକାଇଛି । ସ୍ୱାସ୍ଥ୍ୟକ୍ଷେତ୍ରରେ ମଧ୍ୟ ପାକିସ୍ତାନରେ ଦେଖାଦେଇଛି ହାହାକାର । ଅସୁବିଧାର ସମ୍ମୁଖୀନ ହେଉଛନ୍ତି ରୋଗୀ । ହେପାରିନ ଇଞ୍ଜେକ୍ସନ ଅଭାବ ଦେଖାଦେଇଛି । ଯାହା ହାର୍ଟ ଚିକିତ୍ସା ପାଇଁ ଅତ୍ୟନ୍ତ ଜରୁରୀ ତାହା ଆଉ ମିଳୁନି। ହାର୍ଟ ସମସ୍ୟା କ୍ଷେତ୍ରରେ ସମ୍ପୃକ୍ତ ବ୍ୟକ୍ତିଙ୍କ ରକ୍ତକୁ ପତଳା କରିବା ପାଇଁ ଏହି ଇଞ୍ଜେକ୍ସନ ବ୍ୟବହୃତ ହୋଇଥାଏ। କିନ୍ତୁ ସରକାରୀ ଏବଂ ବେସରକାରୀ ଡାକ୍ତରଖାନାରେ ଏହି ଇଞ୍ଜେକ୍ସନର ଅଭାବ ରହିଛି ।
ଏହି ଇଞ୍ଜେକ୍ସନର ମୂଲ୍ୟ ୬୦୦ ଟଙ୍କା, କିନ୍ତୁ ଏହା କଳା ବଜାରରେ ୩୦୦୦ ଟଙ୍କାରେ ବିକ୍ରି ହେଉଛି। ଗରିବ ଲୋକେ ଏହି କାରଣରୁ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି। ଲୋକେ ଔଷଧ ପାଇବା ପାଇଁ ସଂଘର୍ଷ କରୁଛନ୍ତି। ଦେଶର ବୈଦେଶିକ ମୁଦ୍ରା ଭଣ୍ଡାରରେ ଅଭାବ ପାକିସ୍ତାନର ଘରୋଇ ଉତ୍ପାଦନରେ ବ୍ୟବହୃତ ଅତ୍ୟାବଶ୍ୟକ ଔଷଧ ଏବଂ ସକ୍ରିୟ ଫାର୍ମାସ୍ୟୁଟିକାଲ ଉପାଦାନ (ଏପିଆଇ) ଆମଦାନୀ କରିବାର କ୍ଷମତାକୁ ପ୍ରଭାବିତ କରିଛି। ଅର୍ଥନୈତିକ ସଙ୍କଟ ସ୍ୱାସ୍ଥ୍ୟସେବା ଉପରେ ଗୁରୁତର ଭାବେ ପ୍ରଭାବ ପକାଇଛି । ସଙ୍କଟରେ ପଡିଛନ୍ତି ରୋଗୀ । ମୁଦ୍ରାଭଣ୍ଡାରରେ ଅଭାବ ଔଷଧ ଆମଦାନୀ କରିବା କ୍ଷମତାକୁ ମଧ୍ୟ ପ୍ରଭାବିତ କରିଛି ।
