ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପାକିସ୍ତାନ ନଜରରେ ଟ୍ରାକ୍ଟର ରାଲି । ରାଲିରେ ଗଣ୍ଡଗୋଳ ସୃଷ୍ଟି କରିବା ପାଇଁ ପାକିସ୍ତାନର ଯୋଜନା । ଦିଲ୍ଲୀ ପୋଲିସ ଟ୍ରାକ୍ଟର ରାଲିକୁ ଅନୁମତି ଦେଇଥିବା ବେଳେ ଏହି ରାଲି ଉପରେ ପାକିସ୍ତାନର ନଜର ଥିବା ଦିଲ୍ଲୀ ପୋଲିସ ପକ୍ଷରୁ ସୂଚନା ମିଳିଛି । ପାକିସ୍ତାନ କୃଷକଙ୍କ ଟ୍ରାକ୍ଟର ରାଲିକୁ ଟାର୍ଗେଟ କରି ଷଡଯନ୍ତ୍ର କରୁଥିବା ସ୍ପେଶାଲ କମିଶନର ଦୀପେନ୍ଦ୍ର ପାଠକ କହିଛନ୍ତି ।
ପାକିସ୍ତାନରେ ୩ ଶହରୁ ଅଧିକ ଟ୍ୱିଟର ହ୍ୟାଣ୍ଡେଲ ତିଆରି କରାଯାଇଛି । ରାଲିରେ ଅଶାନ୍ତି ସୃଷ୍ଟି କରିବା ପାଇଁ ଯୋଜନା ରଖିଥିବା ଗୁଇନ୍ଦା ଏଜେନ୍ସି ମାଧ୍ୟମରେ ସୂଚନା ମିଳିଥିବା ଦୀପେନ୍ଦ୍ର ପାଠକ କହିଛନ୍ତି । ତେବେ ପାକିସ୍ତାନର ଏହି ଟ୍ୱିଟର ହ୍ୟାଣ୍ଡେଲ ବିଷୟରେ ଚାଷୀଙ୍କୁ ଅବଗତ କରାଯାଇଛି ।
