ନିଦା ବିଷ୍ଣୁ ନ ସାଜନ୍ତୁ ସରକାର: ନରସିଂହ ମିଶ୍ର

ଭୁବନେଶ୍ୱର (ବଡ଼ ଖବର ବ୍ୟୁରୋ): ଶ୍ରୀମନ୍ଦିର ଚାରିଦ୍ୱାର ଖୋଲାକୁ ନେଇ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । କହିଛନ୍ତି ମାନବିକତା ରଖନ୍ତୁ ସରକାର । ସାଧାରଣ ଲୋକେ ଦର୍ଶନ ପାଇଁ ଯାଇ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଛତିଶଗଡ଼ ରାଜ୍ୟପାଳଙ୍କ ପାଇଁ ନିଜର ଉଦବେଗ ପ୍ରକାଶ କରିଛନ୍ତି ନରସିଂହ ମିଶ୍ର । ସେ ଆହୁରି ମଧ୍ୟ କହିଛନ୍ତି ଯଦି କାମ ଚାଲିଛି ତେବେ ଅନ୍ୟ ତିନୋଟି ଦ୍ୱାର ଖୋଲା ଯାଉ । କଂଗ୍ରେସ ପୂର୍ବରୁ ଜନ ଆନ୍ଦୋଳନ କରିଛି । ଆଗକୁ ମଧ୍ୟ ଦଳ ତୁଳସୀ ଯାତ୍ରା କରିବ। ଆଉ ନିଦା ବିଷ୍ଣୁ ନସାଜି ଚାରି ଦ୍ୱାର ଖୋଲିବା ପାଇଁ ସେ କହିଛନ୍ତି । ଚାରି ଦ୍ୱାର ଖୋଲିବା ପ୍ରସଙ୍ଗରେ ଜନ ଅସନ୍ତୋଷ ବଢ଼ିଲାଣି । ଯେଉଁ ଦ୍ୱାରରେ କାମ ହେଉନାହିଁ, ସେ ଦ୍ୱାର ଖୋଳାଯାଉ । ନଚେତ ତିନି ଦ୍ୱାର ଖୋଲିବାକୁ ଦାବି କରିଛନ୍ତି ନରସିଂହ ମିଶ୍ର ।