ଆଜି ବାବା ଲୋକନାଥଙ୍କ ପଙ୍କୋଦ୍ଧାର ଏକାଦଶୀ

ପୁରୀ (ବଡ଼ ଖବର ବ୍ୟୁରୋ) ଆଜି ପୁରୀର ପ୍ରସିଦ୍ଧ ଶୈବପୀଠ ପ୍ରଭୁ ଶ୍ରୀ ଲୋକନାଥ ଦେବଙ୍କ ମନ୍ଦିରରେ ପଙ୍କଉଦ୍ଧାର ନୀତି ଅନୁଷ୍ଠିତ ହେବ । ଶ୍ରୀମନ୍ଦିର ସହ ପ୍ରତ୍ୟକ୍ଷ ସମ୍ପୃକ୍ତ ଥିବା ବାବା ଶ୍ରୀଲୋକନାଥ ମନ୍ଦିରରେ ମହା ଶିବରାତ୍ରିର ପୂର୍ବରୁ ପଡୁଥିବା ଏକାଦଶୀ ତିଥିରେ ପଙ୍କଉଦ୍ଧାରର ସ୍ୱତନ୍ତ୍ର ନୀତି କରାଯାଇଥାଏ । ଆଜି ଶ୍ରୀ ଲୋକନାଥଙ୍କ ମନ୍ଦିରରେ ପଙ୍କଉଦ୍ଧାର ଏକାଦଶୀ ନୀତି ପାଳନ ହେବ ।

ପରମ୍ପରା ଅନୁଯାୟୀ ଶ୍ରୀ ଲୋକନାଥଙ୍କ ମନ୍ଦିର ଗମ୍ଭୀରାରେ ଜମା ହୋଇ ରହିଥିବା ଫୁଲ, ବେଲପତ୍ର, ପାଣି ସେବକମାନେ ବାହାର କରାଇ ସଫା କରାଇଥାନ୍ତି। ପଙ୍କ ଉଦ୍ଧାର ପରେ ଶ୍ରୀ ଲୋକନାଥଙ୍କ ମୂଳ ଲିଙ୍ଗ ଭକ୍ତମାନେ ଦର୍ଶନ କରିବାର ସୁଯୋଗ ପାଇଥାନ୍ତି। ଏଥିପାଇଁ ବହୁ ଭକ୍ତଙ୍କ ସମାଗମ ଦେଖିବାକୁ ମିଳିଥାଏ। ଏହି ତିଥିରେ ଶ୍ରୀ ଲୋକନାଥଙ୍କ ଦର୍ଶନ, ପୂଜାର୍ଚ୍ଚନା ଏବଂ ଏକାଦଶୀ ଚୂଡ଼ା ଘସା ଭୋଗ ହୋଇଥାଏ।