ବାଟ ହୁଡିଛି ପ୍ରଧାନମନ୍ତ୍ରୀ ଆବାସ ଯୋଜନା

ବୀରମହାରାଜପୁର, (ବଡ଼ ଖବର ବ୍ୟୁରୋ): ପଲିଥିନ ତଳେ ଜୀବନ । ପରିବାର ସହ ଜଣେ ଦିବ୍ୟାଙ୍ଗ ଭାଗ୍ୟକୁ ଆଦରି ସେଠାରେ ପଡିରହିଛନ୍ତି । ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଯଟେସିଂହା ପଞ୍ଚାୟତ ଗୋଧନେଶ୍ୱର ଗ୍ରାମରେ । ଦିବ୍ୟାଙ୍କ ଶାନ୍ତନୁ ଖମାରୀ ସ୍ତ୍ରୀ ଓ ୨ ଝିଅଙ୍କ ସହ ଜୀବନକୁ ପାଣି ଛଡେଇ ପଲିଥିନ ତଳେ ବିତାଉଛନ୍ତି ଜୀବନ । ଘର ଖଣ୍ଡିଏ ପାଇଁ ସେ ପଞ୍ଚାୟତଠାରୁ ଜିଲ୍ଲାପାଳଙ୍କ କାର୍ୟ୍ୟାଳୟ ସବୁଠି ଗୁହାରି କରିଥିଲେ ମଧ୍ୟ ସୁଫଳ ପାଇପାରୁ ନାହାନ୍ତି । ସରକାର ଭିନ୍ନକ୍ଷମମାନଙ୍କ ପାଇଁ ବିଭିନ୍ନ ଯୋଜନା କରୁଥିଲେ ମଧ୍ୟ ଏହାର ଫାଇଦା ଉଠାଇପାରୁ ନାହାନ୍ତି ଦିବ୍ୟାଙ୍ଗ ଶାନ୍ତନୁ । ଥିଲା ବାଲା ଏହି ଯୋଜନାରୁ ଲାଭ ଉଠାଉଥିବା ବେଳେ ଯୋଗ୍ୟ ହିତାଧିକାରୀ ବାଦ୍ ପଡିଯାଉଛନ୍ତି । ବୀରମହାରାଜପୁର ବ୍ଲକରେ ପ୍ରଧାନମନ୍ତ୍ରୀ ଆବାସ ଯୋଜନା ବାଟ ହୁଡିଥିବାରୁ ଶାନ୍ତନୁଙ୍କ ଭାଗ୍ୟ କେବେ ପରିବର୍ତ୍ତନ ହେବ ତାହା ଦେଖିବାକୁ ବାକି ରହିଲା ।