ଶବଦାହ ପରେ ଝିଅ କହିଲା ବାପା ମୁଁ ବଞ୍ଚିଛି…
ବିହାର (ବଡ଼ ଖବର ବ୍ୟୁରୋ): ବାପା ମୁଁ ବଞ୍ଚିଛି …ମୋ ଶାଶୁ ଘରେ ଅଛି । ମୁଁ ଭଲରେ ଅଛି । ବାପାଙ୍କୁ ଫୋନ କରି କିଛି ଏମିତି କହିଛନ୍ତି ଜଣେ ଝିଅ । ବାପା ବିନୋଦ ମଣ୍ଡଳ । ଝିଅ ଅଂଶୁ କୁମାରୀ । ବିନୋଦ କୁମାର ଝିଅର ଶବ ଦାହ କରିସାରିବା ପରେ ଆସିଥିଲା ଝିଅର ଭିଡିଓ କଲ । ଯେଉଁଠି ଝିଅ କହୁଛି ବାପା ମୁଁ ବଞ୍ଚିଛି । ଯାହା ଶୁଣି ବାପା ବିନୋଦ ବିସ୍ମିତ ହୋଇଯାଇଥିଲେ । ଏ ଘଟଣା ହେଉଛି ବିହାର ପୁର୍ଣ୍ଣିଆ ଆକବର ଅଂଚଳର । ଘଟଣା ଥିଲା କିଛି ଏମିତି । କିଛି ଦିନ ତଳେ ଝିଅ ଅଂଶୁକୁମାରୀ ନିଖୋଜ ହୋଇଯାଇଥିଲେ । ପରିବାର ଲୋକ ବହୁତ ଖୋଖୋଜି କରିବା ପରେ ବି ତାଙ୍କୁ ପାଇନଥିଲେ । ଖୋଜାଖୋଜା କରି ନିରାଶ ହେବା ପରେ ପରିବାର ଲୋକେ ଥାନାରେ ଜଣାଇଥିଲେ । ପୋଲିସ ସ୍ଥାନୀୟ କେନାଲରୁ ଜଣେ ଝିଅର ଶବ ଉଦ୍ଧାର କରିଥିଲା ।
ଶବ ଚିହ୍ନଟ କରିବା ଲାଗି ସେମାନେ ବିନୋଦଙ୍କ ପରିବାରକୁ ଡକାଇଥିଲେ। ଶବର ମୁହଁ ଅତ୍ୟନ୍ତ ଫୁଲି ଯାଇଥିବା ଯୋଗୁଁ ଚିହ୍ନିବା କଷ୍ଟସାଧ୍ୟ ହୋଇଥିଲା । ପୋଷାକପତ୍ରକୁ ଆଧାର କରି ପରିବାର ଲୋକେ ତାହା ଅଂଶୁର ଶବ ବୋଲି ଚିହ୍ନଟ କରିଥିଲେ। ଝିଅ ମରିଥିବା ଜାଣି ବାପା ବିନୋଦ ମ୍ରିୟମାଣ ହୋଇପଡ଼ିଲେ । ତା’ର ଶେଷକୃତ୍ୟ ବି ଠିକ୍ ଭାବେ କରିପାରିଲେ ନାହିଁ। ଶେଷର ଝିଅର ଜେଜେ ହିଁ ତା’ର ଅନ୍ତିମ ସଂସ୍କାର କଲେ। ହଠାତ୍ ଶନିବାର ଦିନ ଅଂଶୁ ବାପା ବିନୋଦ ମଣ୍ଡଳଙ୍କ ଫୋନ୍କୁ ଭିଡିଓ କଲ୍ କରିଥିଲା । ସେ ବଞ୍ଚିଚି ବୋଲି ସୂଚନା ଦେଇଥିଲା ।ପରେ ସବୁ କଥା ବାପାଙ୍କୁ ଜଣାଇଥିଲା । ଅସଲ କଥା ହେଲା ଅଂଶୁ ତାଙ୍କ ପ୍ରେମିକା ସହିତ ଫେରାର ହୋଇଥିଲେ । ସେ ବାହା ହୋଇ ପୂର୍ଣ୍ଣିଆ ଜିଲ୍ଲା ଅନ୍ତର୍ଗତ ବନମାଙ୍ଖି ବ୍ଲକ୍ର ଜାନକୀ ନଗର ଅଞ୍ଚଳରେ ଥିବା ଶାଶୂଘରେ ରହୁଛନ୍ତି ବୋଲି ସେ କହିଥିଲେ ।