ଆଜି କଲେଜ, ୟୁନିଭର୍ସିଟି ଖୋଲୁଛି

ଭୁବନେଶ୍ୱର (ବଡ଼ ଖବର ବ୍ୟୁରୋ): ସ୍କୁଲ କଲେଜ ପରେ ବର୍ତ୍ତମାନ ଆଜିଠାରୁ ଖୋଲିଲା ଉଚ୍ଚଶିକ୍ଷା ବିଭାଗ ଅଧିନରେ ଥିବା କଲେଜ, ବିଶ୍ୱବିଦ୍ୟାଳୟ । ପ୍ରଥମ ପର୍ଯ୍ୟାୟରେ ୟୁଜି ଓ ପିଜି ଶେଷ ବର୍ଷ ଛାତ୍ରଛାତ୍ରୀ କଲେଜକୁ ଆସିବେ । ସେମିଷ୍ଟାର ପରୀକ୍ଷା ବ୍ୟବସ୍ଥାରେ ୟୁଜି ୫ମ ସେମିଷ୍ଟାର ଓ ପିଜି ୩ୟ ସେମିଷ୍ଟାର ପିଲାଙ୍କ ପାଇଁ ମାର୍ଚ୍ଚ ୧୫ ପର୍ଯ୍ୟନ୍ତ ପାଠପଢା ଚାଲିବ । ସେହିପରି ଡିପ୍ଲୋମା, ପ୍ରୋଫେସନାଲ କଲେଜ ସହ ଅନ୍ୟାନ୍ୟ ଶିକ୍ଷାନୁଷ୍ଠାନ ମଧ୍ୟ ଖୋଲିବ । ପୂର୍ବରୁ ଏଥିପାଇଁ ସ୍ୱତନ୍ତ୍ର ମାର୍ଗଦର୍ଶିକା ଜାରି କରାଯାଇଥିବା ବେଳେ କୋଭିଡ୍ କଟକଣାକୁ ମଧ୍ୟ ଗୁରୁତ୍ୱାରୋପ କରାଯାଇଛି । ଆଜିଠାରୁ ମାର୍ଚ୍ଚ ୧୫ ଯାଏ ପାଠପଢା ପରେ ମାର୍ଚ୍ଚ ୧୬ରୁ ୩୧ ପର୍ଯ୍ୟନ୍ତ ପରୀକ୍ଷା ହେବ । ପରେ ଏପ୍ରିଲ ୩୦ ସୁଦ୍ଧା ପରୀକ୍ଷା ଫଳ ପ୍ରକାଶିତ ହେବ ।